افغانستان ده بشری حقوق و خاتین قیزلر نینگ حقوقی وضعیتی، بیرلشگن ملت‌لر تشکیلاتی بشری حقوق کینگشی نینگ ۵۱_ییغینیده بحث ایتیله‌دیگن موضوع‌لردن دیر. افغانستان اوچون بیرلشگن ملت‌لر تشکیلاتی نینگ بشری حقوق گزارشگری ریچاد بنت اوز گزارشی ده ایتیشیچه، افغان‌لر بشری حقوق انقراضی بیلن روپه‌ره بولگنلر.
بنت نینگ ایشانچی گه کوره، بشری حقوق دن خاتین قیزلر نینگ محروم ایتیلیشی، تنقید قیلووچیلردن اسلامی امارت نینگ قصاص آلیشی و ایرکین سوز گه یره‌تیلگن چیکلاولر، افغانستان بویلب انسان حقلری نقض ایتیلیش جدی موردلریدن عبارت دیر. بیرلشگن ملت‌لر تشکیلاتی نینگ بشری حقوق گزارشگری، افغانستان بویلب بشری حقوق بحرانی وضعیتی گه دقت قیلینیشی اوچون اساسی اوزگریش کیلیشینی طلب قیله‌دی.
اونگه کوره: «افغان‌لر بشری حقوق بحرانی بیلن روپه‌ره دیر، کورینیشیچه دنیا بوتوغریده کوچ‌سیز قالگن. اسلامی امارت حاکمیتیدن کیین برچه افغان‌لر، قیین احوال ده تیریکچیلیک قیلیشماقده؛ بیراق بشری حقوق، سیاسی، اجتماعی و فرهنگی ساحه‌لردن خاتین قیزلر نینگ محروم ایتیلیشی خواطرلی دیر.»
بیزلرنینگ فیسبوک صحیفه‌میزگه باش اورینگ!
بشری حقوق عالی کینگشی ییغینیده، اروپا اتفاقی نینگ افغانستان اوچون نماینده‌سی توماس نیکلسون، افغانستان ده خاتین قیزلر نینگ بشری حقوق وضعیتیدن خواطر بیلدیریب ایتیشیچه، اروپا اتفاقی افغانستان بویلب اجتماعی، فرهنگی و سیاسی ساحه‌لرده برچه خاتین قیزلر گه حصه بیریلیشینی سوره‌یدی. اروپا اتفاقی نینگ افغانستان اوچون نماینده‌سی گه کوره، آزچیلیک قوم‌لر، بشری حقوق دن مدافعه قیلووچی گروه‌لر گه تیگیشلی کیشی‌لر، ژورنالیست‌لر کلتکلنیشی و اوز باشیمچه‌لیک قولگه آلینیش‌لردن خواطرده دیر.
توماس نیکلسون نینگ ایتیشیچه: «خاتین قیزلر نینگ حقوقی وضعیتی خواطرلی دیر. اروپا اتفاقی افغانستان بویلب برچه ساحه‌لرده خاتین قیزلر گه حصه بیریلیشینی ایسته‌یدی.»
عین‌حالده، افغانستان ده خاتین قیزلر حقوقی فعاللریدن بیری محبوبه سراج، اسلامی امارت و دنیا همجمعیت دن قتیق تنقید قیلیب ایتیشیچه، اولر نیچه مراتبه افغانستان خاتین قیزلری نینگ قیینچیلیکلرینی دنیا گه ییتکیزدیلر، بیراق اولر گه مثبت جواب قیتیریلمه‌دی. خانم سراج نینگ کوپه‌یتیریشیچه، حاضر افغانستان عیاللری یوق بولیش عرفه‌سیده قرار تاپگن.
بیزلرنینگ توییترده هم تعقیب قیلینگ!
باشقه تاماندن، اسلامی امارت سوزلاوچیسی ذبیح‌الله مجاهد، افغانستان اوچون بیرلشگن ملت‌لر تشکیلاتی نینگ بشری حقوق گزارشگری ریچارد بنت نینگ گزارشی گه مناسبت بیلدیریب ایتیشیچه، اوشبو گزارش بیر تامانلمه و ناتوغری دیر.
عین‌حالده، افغانستان ده اسلامی امارت حاکمیتیدن کیین، نیچه مراتبه دنیا ییغین‌لریده افغان خاتین قیزلری نینگ حقوق موضوع‌سی اوستیده بحث ایتیلگن، بو ییغین‌لر حاضرگچه افغانستان خاتین قیزلری نینگ قیینچیلیکلری حلی اوچون نتیجه بیرمه‌گن.
