ینگی‌لیکده، معلومات و مدنیت وزیرلیگی مملکت بویلب اوشبو وزیرلیک تامانیدن خبرچیلر گه کارت توزیع قیلیش جریانی باشلنگنیدن خبر بیرگن. اوشبو کارت‌لر خبرچیلر گه توزیع بولیشی، خبرچیلر و میدیا ایشلاوچیلری نینگ خواطری گه سبب بولگن.
افغانستان ایرکین میدیالریدن حمایت قیلووچی نهاد (نی) باشلیغی ظریف کریمی، اطلاعات ییغیش اوچون بو کبی کارت‌لر فایده‌لی بولیشی گه اشاره قیلیب ایتیشیچه، بو کبی کارت‌لردن ناتوغری فایده‌له‌نیلمسلیگی اوستیده تأکید ایته‌دی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «خبرچیلر نینگ اطلاعات بانکی و دیتابیسی مغرض کیشی‌لر قولی گه توشمه‌ی و خبرچیلر گه سیاسی باسیم کیلتیریلمسلیگی گه امید بیلدیره‌میز.»
خبرچیلر گه کوره، مذکور کارت اطلاعات ییغیش اوچون قولی‌لیک‌لر گه سبب بولسه خوش قرشی لشه‌دی.
خبرچیلر، بو کبی کارت‌لر شفافیت بیلن توزیع بولیب و خبرچی بولمه‌گن کیشی‌لر گه توزیع بولمسلیککه امید بیلدیره‌دیلر.
کابل ده خبرچی یارمحمد پردیس نینگ ایتیشیچه: «اجتماعی شبکه‌لر ایشلاوچیلری یا که خبرچی بولمه‌گنلر گه بو کارت‌لر توزیع بولسه، قیله‌دیگن هر ایشلری خبرچیلر آتی گه قید ایتیله‌دی.»
شونینگدیک، خبرچیلردن باشقه بیری مصطفا شهریا گه کوره: «خبرچیلر گه چیکلاو یره‌تیلمسلیگی اوچون بو کارت‌لر توزیع بولسه، خوش قرشی له‌یمیز.»
عین‌حالده، معلومات و مدنیت وزیرلیگی نینگ نشراتی معینی حیات‌الله مهاجر فراهی، مذکور کارت‌لر خبرچیلر گه قولی‌لیک یره‌تیش مقصدیده توزیع بولیشینی معلوم قیله‌دی.
بیزلرنینگ توییترده هم تعقیب قیلینگ!
معلومات و مدنیت وزیرلیگی نینگ نشراتی معینی گه کوره: «بو کارت شهر و بازارلرده خبرچیلر نینگ قیینچیلیک‌لرینی کمه‌یتیره‌دی، شونینگدیک مصئون دیر.»
عین‌حالده، معلومات و مدنیت وزیرلیگی خبرچیلر فعالیتی برابریده‌گی قیینچیلیک‌لر حل ایتیلیشیدن ایشانچ بیرسه ده، مملکت ده حاضر هم خبرچیلر ایریم قیینچیلیک‌لر جمله دن اطلاعات گه قول تاپه آلمسلیک و خود سانسورلیک قیینچیلیگی بیلن روپه‌ره‌لر.
