افغانستان ایرکین میدیالریدن حمایت قیلووچی نهاد «نی» مسئوللری نینگ ایتیش‌لریچه، حکومت خبرچیلرنینگ خوفسیزلیگی نی تأمین‌لش اوچون آگاه‌لنتیریش دن باشقه بیر ایش قیلمه‌گن.
بوگون (پنجشنبه ۲۵- جدی) افغانستان ایرکین رسانه‌لریدن حمایت قیلووچی نهاد «نی» اجرایی باشلیغی عبدالمجیب خلوتگر کابل ده خبری بیر ییغین اوتکزیب ایتیشیچه، ۲۰۲۰- ییل ده خبرچیلرگه قرشی زوروانلیکلر میزانی ۲۰۱۹- ییل گه نسبتن ۱۰ فایز کوپه‌یگن.
نی اجرایی باشلیغی گه کوره، میلادی ۲۰۱۹- ییل ده خبرچیلرگه قرشی ۱۱۵ زوروانلیک قضیه بو اداره گه قید ایتیلگن ایکن، بیراق ۲۰۲۰- ییل ده ۱۳۰ قضیه گه ییتیشگن. جناب خلوتگر نینگ کوپه‌یتیریشیچه، مذکور زوروانلیک قضیه‌لرگه قتل، یره‌لنتیریش، قولگه آلیش، تهدید، حقارت قیلیش، کلتکله‌ش و باشقه موردلر شامل بوله‌دی.
نی اجرایی باشلیغی گه کوره، میلادی ۲۰۲۰- ییل ده مملکتده ۱۱ خبرچی هلاک ایتیلگن و باشقه ۲۰ ته‌سی ایسه یره‌لنتیریلگن. خلوتگرنینگ کوپه‌یتیریشیچه، حکومت خبرچیلرنینگ اولدیریلیش قضیه‌سی تیکشیریلیشی نینگ ادعا قیلگن، بیراق بیر فورم تولدیریشدن باشقه بیر ایش قیلمه‌گن.
اونینگ ایتیشیچه، افغانستان میدیالریدن حمایت قیلووچی نهادلر خبرچیلرنینگ اولدیریلیش قضیه‌سی تیکشیریلیشی خصوصیده حکومتدن ناراض دیر.
جناب خلوتگر نینگ اورغولشیچه، حکومت خبرچیلرگه قرشی خوفسیزلیک تهدیدلردن خبر بولگن بیرحالده هم یالغیز بیر آگاه‌لنتیریش گه اقدام قیلگن. او، یما سیاووش نینگ قضیه‌سیگه اشاره قیلیب ایتیشیچه، حکومت بو حقده هیچ قنده‌ی توجه قیلمه‌گن. بیراق جمهوررئیس‌لیک سرایی نینگ ایتیشیچه، حکومت خبرچیلرنینگ جانی نی سقلش خصوصیده اوزی نینگ مسئولی بیله‌دی و خبرچیلرنینگ جانی گه متوجه دیر.
عین حالده، مملکت تشقی ایشلر وزیرلیگی بیر اعلامیه ترقه‌تیب ایتیشیچه، خبرچیلر، سیاسی فعاللر و مدنی فعاللرگه قرشی ریجه‌لنگن قتل‌لر مملکتده خواطرلرنی کوپه‌یتیرگن. اعلامیه اساسیده، طالبان تامانیدن زوروانلیکلر و ریجه‌لنگن قتل‌لر کوپه‌یشی قطرده‌گی تینچلیک سوزلشوولر برابریده اهالی نینگ ایشانچی نی کمه‌یتیره‌دی.
