مملکتده سونگی بیر آیده ایکی خبرچی اولدیریلگن. بوگون (پنج‌شنبه ۲۰- قوس) توشدن آلدین جلال آباد شهریده فعالیت قیله‌دیگن انعکاس خصوصی تلویزیونی نینگ ایشلاوچیسی خانم ملالی میوند، دفتری تامان کیته‌دیگن بیرحالده ناتانیش قوراللی کیشی‌لر تامانیدن اولدیریلگن. خانم ملالی میوند اولدیریلگنی حکومت و رسانه مسئوللری نینگ عکس‌العمل‌لریگه روپه‌رو بولدی.

افغانستان خبرچی‌لری نینگ خوفسیزلیگی نی سقلش کمیته‌سی، سونگی بیر آیده خبرچی‌لردن کوپینچه‌سی هجوم آستیده آلینگنی توغریسیده خواطر بیلدیریب و بو موضوع افغانستان خبرچی‌لری نینگ کوپینچه قیین‌چیلیکلر بیلن دوچ قیلیشی ممکن دیگن.

انه‌شوحالده، افغانستان خبرچیلر خوفسیزلیگی نی سقلش کمیته‌سی نینگ دادخواه‌لیک ایش‌لری بوییچه مسؤلی صدیق‌الله توحیدی گه کوره، خبرچی‌لرگه قرشی سونگی هجوملر، رسانه جامعه‌سی قورقووگه سالگن.

باشقه بیر تاماندن خبرچی‌لردن بیر قطاری،‌ خبرچیلرگه قرشی ریجه‌لنگن هجوم‌لرنینگ کونسایین کوپه‌یشیدن خواطر بیلدیریب ایتیش‌لریچه، خبرچی‌لر نشانگه آلینگن بیرحالده، باشقه خبرچی‌لرنینگ روحیه‌سی سلبی تأثیر کوره‌دی.

طلوع نیوز نینگ خبرچیسی انیسه شهید، خبرچی‌لر اولدیریلیشی خصوصیده حکومت نی توجه سیزلیککه عیبلب ایتیشیچه، اوتگن ییل‌لرده‌ اولدیریلگن خبرچی‌لرنینگ عاملی اوشلنگن حالده، ینگی حادثه‌لر یوز بیرمه‌سی ممکن ایدی.

افغانستان ایرکین رسانه‌لریدن حمایت قیلووچی نهاد یا-ده «نی» بیر اعلامیه آرقه‌لی، خبرچیلرگه قرشی ریجه‌لنگن ترورلر کوپه‌یگنیدن خواطر بیلدیریب و حکومتدن حادثه عامل‌لرینی اوشلب محکمه گه تاپشیریشی نی سوره‌گن.

شونده‌ی بیرحالده، مملکت ایچکی ایشلر وزیرلیگی خبرچیلرنینگ خوفسیزلیگی تامین‌لنیشی نی جوده اونملی دیب و اوشبو وزیرلیک خبرچیلرنینگ ترور قضیه‌سینی جدی شکلده تیکشیریشی حقیده سوز بیرگن.

میلادی ۲۰۲۰ – ییل باشلنگنیدن بویان افغانستان ده ملالی میوند شامل ۱۰ خبرچی ناتانیش قورالی کیشیلر تامانیدن اولدیریلگن.

مرتبط با این خبر:

کلیدی کلمه‌لر: //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام