معلومات و مدنیت وزیرلیگی نینگ مسئوللری مطبوعات کونی مناسبتی بیلن، میدیالر ایشلری گه اره‌لشمسلیک اوچون امنیتی اداره‌لر، تشقی ایشلر و امرمعروف و نهی منکر وزیرلیک‌لری بیلن شرطنامه امضاله‌‍شیدن خبر بیرگن.
مذکور وزیرلیک سوزلاوچیسی عبدالمتین قانع نینگ سلام‌وطندار گه ایتیشیچه، اولر میدیالرنی قوللب_قوتله‌یدی و مملکت بویلب میدیالر نشراتینی نظارت قیلیش یالغیز معلومات و مدنیت وزیرلیگی نینگ وظیفه‌سی دیر.
بیزلرنینگ فیسبوک صحیفه‌میزگه باش اورینگ!
اونگه کوره: «کیله‌سی کون‌لرده امنیتی اداره‌لر، امر معروف و نهی منکر و تشقی ایشلر وزیرلیک‌لری، استخبارات و امنیت عمومی ریاستی بیلن شرطنامه امضاله‌یمیز. میدیالر نشراتینی نظارت قیلیش یالغیز معلومات و مدنیت وزیرلیگی نینگ وظیفه‌سی دیر و باشقه اداره‌لر نینگ میدیالر ایشلری گه اره‌لشیش گه حقی یوق.»
عین‌حالده، افغانستان ایرکین ژورنالیست‌لر انجمنی مسئوللری گه کوره، مملکت ده میدیالر برابری ده‌گی موجود قیینچیلیک‌لر حل ایتیلیشی کیره‌ک.
اولر نینگ ایتیشلریچه، اقتصادی قیینچیلیک باعث، حاضر مملکت ده هیچ بیر آزاد چاپی رسانه فعالیت قیلمه‌یدی.
افغانستان ایرکین ژورنالیست‌لر انجمنی باشلیغی حجت‌الله مجددی، اطلاعات گه قول تاپه آلمسلیک و میدیالر ایشلری گه باشقه مسئول‌سیز اداره‌لر نینگ اره‌لشووینی، ییتکیرمه‌لر اونگیده‌گی قیینچیلیک‌لردن عنوان قیله‌دی.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «اساسی مشکل اقتصادی قیینچیلیک و اطلاعات گه قول تاپه آلمسلیک دیر، ایکینچی دن مسئول‌سیز اداره‌لر نینگ میدیالر ایشلری گه اره‌لشووی دیر که ییتکیرمه‌لر و خبرچی‌لرنی خواطری گه سبب بولگن.»
ایتیش کیره‌ک که، افغانستان ایرکین ژورنالیست‌لر انجمنی معلوماتی اساسیده، اسلام امیرلیگی حاکمیتیدن کیین اولکه بویلب ۲۲۵ تلویزیون، رادیو و چاپی میدیا ایریم دلیل‌لر سبب فعالیت‌لرینی توخته‌تگن.
