هلمندده محلی رسانهلر مسئوللریدن قطاری نینگ ایتیشلریچه، اولر خبرچیلر و ایشلاوچیلری نینگ آیلیک معاشلری نی توللش اوچون امکانیتلری یوق، انه شوو سبب رسانهیی خبرچیلر و ایشلاوچیلردن قطاری معاشسیز شکلده ایشلهیدیلر.
اولر نینگ ایتیشلریچه، اسلامی امارت نینگ قدرت گه ایریشگنیدن کیین، مالی و اقتصادی قیینچیلیک کوپهیگن دیر.
بیزلرنینگ توییترده هم تعقیب قیلینگ!
هلمندده محلی رادیو مسئولی حافظ احمد نصرت نینگ ایتیشیچه: «شوندهی بیر قیین شرایطده معاشسیز شکلده ایش قیلهدیگن دوستلریمیز هم بار و بیزلر اولردن شوندهی بیر شرایطده اینه هم بو ایشنی ترک قیلمهی و وطنداشلریمیز گه خذمت قیلیشلری اوچون خرسندمیز. شونینگدیک همکارلریمیزدن قطاری گه کوپ آز معاش بیریلهدی.»
سباوون محلی رادیو نینگ نشرات مدیری نبی اکمل، رسانهلر نینگ اقتصادی قیینچیلیکلری حل بولمهگن صورتده، رسانهلر نینگ سقوط قیلیشی گه علاوه میدیا ایشلاوچیلری و خبرچیلردن کوپ قطاری نینگ باشقه ایش گه یوز کیلتیریشلری خصوصیده خواطر بیلدیرگن.
بیزلرنینگ فیسبوک صحیفهمیزگه باش اورینگ!
باشقه بیرتاماندن، هلمندده خبرچیلردن قطاری نینگ ایتیشلریچه، رسانهلر سونگی کونلرده مالی قیینچیلیک بیلن روپهرو بولگن و شونینگدیک خبرچیلردن قطاری معاشسیز قالگن، انه شوو سبب اولردن قطاری ایشلری نی ترک قیلگنلر.
بوندن آلدین، افغانستان میدیالر نهادلری و خبرچیلر فدراسیونی ایتگن ایدی که، ۶۲۳ فعال رسانهدن ۳۱۸ رسانه سقوط قیلگن که نتیجهده رسانهلردهگی ۴۰۹۰ ایشلاوچیدن کمیده ۲۷۳۵ خبرچی و رسانه ایشلاوچی ایشسیز بولگن.