تورلی ولایتلرده حبسگه آلینگن خبرچیلر عایله اعضالریدن قطاری نینگ ایتیشلریچه، اوشبو خبرچیلر، خبرچیلیک ایشی سبب قولگه آلینگن. اولر اسلام امیرلیگیدن خبرچیلر نینگ قوییب یوباریلیشی نی ایستهگنلر.
قندوز ده سلاموطندار خبرچیسی حسیب حساس ایناغهسی حکیم حساس نینگ ایتیشیچه، ایناغهسی قندوز ده خبرچیلیک ایشی سبب، اسلام امیرلیگی نینگ استخبارات کوچلری تامانیدن قولگه آلینگن. اونینگ کوپهیتیریشیچه، ایناغهسی یالغیز عایله سرپرستی بولیب و عایله اعضالری نینگ نفقهسینی تأمینلش اوچون خبرچیلیک ایشلری بیلن شغللنیب کیلماقده.
بیزلرنینگ توییترده هم تعقیب قیلینگ!
حکیم حساس نینگ ایتیشیچه: «اسلام امیرلیگیدن ایناغهم نینگ موضوعسی نی بیللی قیلیب و تیزلیککه حسیب حساس نینگ قوییب یوباریلیشی نی ایستهیمن. او عایله سرپرستی دیر که، عایله نیازلری نی تامین قیلیش اوچون، خبرچیلیک ایشی بیلن شغللنگن.»
قندهار ده «طلوعنیوز» خصوصی تلویزیون خبرچیسی عطاءالله عمر نینگ ایناغهسی نوراحمد، حبس گه آلینگن خبرچیلردن که، او هم اسلام امیرلیگیدن ایناغهسی نینگ قوییب یوباریلیشی نی ایستهیدی. اونینگ کوپهیتیریشیچه: «اسلام امیرلیگیدن نیچه کوندن بیری حبس گه آلینگن ایناغهم نینگ قوییب یوباریلیشی نی ایستهیمیز.»
شوندهی بیرحالده، معلومات و مدنیت وزیرلیگی مسئوللری نینگ ایتیشلریچه، خبرچیلیک ایشیدن فایدهلنهدیگن و توزوم گه قرشی ایش قیلهدیگن خبرچیلر، خوفسیزلیک کوچلری آرقهلی قولگه آلینیشلری ممکن.
معلومات و مدنیت وزیرلیگی نینگ نشرات ایشلری بوییچه معینی حیاتالله مهاجر فراهی نینگ ایتیشیچه: «اسلام امیرلیگی هیچ بیر خبرچی بیلن قیینچیلیی یوق، بیراق خبرچی اسمیده صلاحیتدن فایدهلنهدیگن و باشقه نهادلر بیلن قولی بولگن کیشیلر برابریده، بیللی که، اسلام امیر نینگ خوفسیزلیک نهادلری اقدام قیلهدی.»
باشقه بیر تاماندن، نی یا-ده افغانستان ایرکین میدیالردن حمایت قیلووچی نهاد مسئوللری نینگ ایتیشلریچه، حبس گه آلینیش، کلتکلش، توهین و تحقیر شامل خبرچیلر گه قرشی زورهوانلیک ۲۸۰ دوسیه، سونگی ایکی ییلده اوشبو نهادده ثبت بولگن.
بیزلرنینگ فیسبوک صحیفهمیزگه باش اورینگ!
نی مسئولی ظریف کریمی معلومات و مدنیت وزیرلیگیدن، خبرچیلر دوسیهلری نینگ میدیالر تخطی کمیسیونی تامانیدن حل قیلینیشی نی ایستهگن. اونینگ ایتیشیچه: «خبرچیلیک ایشی گه حرکت قایل بولینیشی و خبرچیلر ایشی گه خوفسیزلیک نهادلر نینگ ارهلشمهسلیگی نی ایستهیمیز. میدیالر تخطی کمیسیونی خبرچیلر و میدیالر دوسیهلری نینگ تیکشیریشی و حل قیلیشی کیرهک و میدیا ایشلری گه خوفسیزلیک کوچلری نینگ ارهلشمهیشی کیرهک.»
ایتیش کیرهک که، سونگی ایکی هفتهده، تورلی ولایتلردن سکیز خبرچی اسلام امیرلیگی خوفسیزلیک کوچلری تامانیدن قولگه آلینگن. اوتگن هفته یکشنبه کونی غزنی ده باختر دولتی آژانسی خبرچیسی سیدوحدتالله ابدالی و اوندن اوچ کون سونگ ننگرهار ده فقیرمحمد فقیرزی و جانآقا صاحب؛ پکتیا مرکزی گردیز شهریده حبیبالله سراب؛ اوتگن هفته پنجشنبه کونی قندوز ده سلاموطندار خبرچیسی حسیبالله حساس و شونینگدیک جاری هفته یکشنبه کونی قندهار ده شمسالله عمری، وحیدالرحمان افغانمل و عطاءالله عمر، اسلام امیرلیگی کوچلری تامانیدن قولگه آلینیب و شونینگدیک اولر نینگ حبس گه آلینیش سببی بیللی بولمهگن.