اوتمیش ییل‌لرده‌گی اوروش‌لر و جاری ییل‌ده‌گی یاغیش‌لر، پکتیا مرکزی گردیز شهری و اوشبو ولایت نینگ تومن‌لریدن قطاری‌ده، اوچ مینگ گه یقین عایله نی اویی‌دن بی‌جا قیلگن دیر.
حاضر گردیز شهری نینگ «رباط» ساحه‌سیده ۳۵۰ عایله، آواره بولگنلر نینگ خاص کمپی‌ده حیات کیچره‌دیلر. مذکور آواره بولگنلر نینگ ایتیش‌لریچه، حاضرگچه هیچ بیر نهاد تامانیدن یاردم قولگه کیلتیرمه‌گنلر.
بیزلرنینگ فیسبوک صحیفه‌میزگه باش اورینگ!
«رباط» ساحه‌سیده بی‌جا بولگنلر نینگ کمپی‌ده حیات کیچیره‌دیگن طالب‌گل و بلال نینگ سلام‌وطندار گه ایتیش‌لریچه، یاردم بیرووچی نهادلر نینگ ایشلاوچیلری اوشبو کمپ گه کیلگنلری پیتده، یاردم اوچون یالغیز ۵ یا-ده ۱۰ عایله نینگ اسمی نی آله‌دیلر و باشقه قالگن نیازمند عایله‌لر گه یاردم صورت تاپمه‌یدی.
اولر نینگ کوپه‌یتیریش‌لریچه، باش‌پناه‌لری یوقلیگی گه علاوه، شونینگدیک ایچیم‌لیک سوو گه هم قول تاپه آلمه‌یدیلر.
رباط کمپی‌ده بی‌جا بولگنلردن باشقه بیری لعل بی‌بی، قیش موسومی ییتیب کیلیشی بیلن ایتیشیچه، ییگولیک ماده ساتیب آلیش و باله‌لری نینگ درمانی اوچون هیچ پولی یوق. او، اوشبو کمپ‌ده‌گی بی‌جا بولگنلر اوچون تیزلیککه یاردم بیریلیشی نی ایسته‌گن.
بیزلرنینگ توییترده هم تعقیب قیلینگ!
شونده‌ی بیرحالده، پکتیا مهاجرلر باش‌پناه ایزلاوچیلر ریاست رئیسی نینگ ایتیشیچه، مذکور ولایت‌ده اوچ مینگ گه یقین عایله، اوتمیش اوروش‌لر و طبیعی واقعه‌لر سبب، اوی‌لریدن بی‌جا بولگنلر که بو آره‌ده، ۵۰۰ عایله منطقه‌لری گه قیتگنلر.
او، آواره بولگنلر نینگ قیین‌چیلیک‌لری نی قبول قیلیب و ایشانچ بیرگن که، یاردم بیرووچی نهادلر بیلن تفاهم قیلیب، اوشبو ولایت‌ده بی‌جا بولگنلر گه کیره‌کلی یاردم‌لر نینگ ترقه‌تیلشی ممکن.
