مملکت جمهوررئیسی محمداشرف غنی نینگ ایتیشیچه، مملکتده طالبان تامانیدن زورانلیکلر کوپه‌یتیریلیشی جمهوریت تیزیمی نینگ حقانیتی نی کورسه‌تیب و بو تیزیم برابریده حرمت‌لرنی کوپه‌یشی گه سبب بولگن.
بوگون (پنجشنبه ۳۰- دلو) جناب غنی کابل ده ژنوا گه بیریلگن وعده‌لرنی تعقیب و تحقیق قیلیش ییغینیده ایتیشیچه، دنیا درک قیلگن کیم افغانستان کوپینچه ترورچیلیک هجوم‌لرنینگ برابریده قرار تاپگن. جمهوررئیس گه کوره، دین عالم‌لری، مدنی جماعه‌چیلیک، خبرچیلر و علمی سیمالر قربان ایتیلیشی دنیا نینگ افغانستان بیلن قیغوداشلیک قیلیشی گه سبب بولگن.
جناب غنی نینگ کوپه‌یتیریشیچه، عزتلی و دایمی تینچلیک اوچون ملی اجماع ایجاد ایتیلیشی، بوگون دایمی تینچلیک و فعال دیپلوماسی اوچون خلق‌ارا بیر اجماع گه اوزگرگن. جمهوررئیس نینگ اورغولشیچه، زوروانلیکلر هر قنچه‌لیک کوپه‌یگن صورتده، جمهوریت نینگ اوشنچه‌لیک حقانیب اثباتلنگن.
شونینگدیک جمهوررئیس نینگ ایتیشیچه، دنیا سطحی ده طالبان و اولرنینگ حمایت قیله‌دیگن گروه‌لر اوستیگه ایجابی باسیم کوپه‌یتیریلیشی کیره‌ک. اونگه کوره، زوروانلیک سیاسی ییچیم یول ایمس.
جناب غنی نینگ کوپه‌یتیریشیچه، بیزلرنینگ عالم‌لریمیز افغانستان اوروشی نامشروع بولگنی نی ثابت قیلیب و بو حقده دنیا اسلام عالم‌لری نی قانیقتیرگن.
ایتیش کیره‌ک کیم تینچلیک سوزلشوولری باشلنگنی و طالبان محبوس‌لری قوییب یوباریلگنیدن کیین مملکتده زوروانلیکلر میزانی یوقاری کیتگن. شونینگدیک خلق‌ارا نهادلر مملکتده زوروانلیکلر میزانی یوقاری کیتگنی توغریسیده اوز خواطرلرینی بیلدیریب و طالبان گروهیدن زوروانلیکلر میزانی نینگ قویی کیلتیریش‌لرینی سوره‌گن. یبراق بو ایسته‌کلرگه حاضرگچه طالبان تامانیدن ایجابی جواب بیریلمه‌گن.
