آمریکا تشقی ایشلر وزیری آنتونی بلینکن، تینچلیک سوزلشوولری خصوصیده جمهوررئیس محمداشرف غنی بیلن صحبت اوتکزگن.
جمهوررئیسلیک سرایی نینگ اعلام قیلیشیچه، مذکور سوزلشوو اوتگن کون (پنجشنبه ۹- دلو) شام چاغی صورت تاپگن و ایکی تامان تینچلیک سوزلشوولری و ایکی مملکت علاقهلری حقیده سوزلشگن.
آمریکا تشقی ایشلر ویرلیگی نینگ اعلام قیلیشیچه، آنتونی بلینکن جمهوررئیس غنی بیلن اوتکزگن صحبتی ده مذکور مملکت نینگ افغانستان گه دواملی همکارلیگی خصوصیده بیرگن وعدهلری اوستیگه اورغولهگن.
آمریکا تشقی ایشلر وزیری، افغانستان تینچلیک پروسهسی حقیده و شونینگدیک دایمی و عدالتلی بیر تینچلیک اوچون سیاسی بیر کیلیشووگه قول تاپیش اوچون اوروش تامانلریگه همکارلیک قیلیشی نی اعلام قیلگن.
آمریکا تشقی ایشلر وزیری جمهوررئیس غنی بیلن اوتکزگن صحبتی ده ایتیشیچه، طالبان گروهی زوروانلیکلرنی کمهیتیریش، ترورچی گروهلر بیلن علاقهلرنی کیسیش و افغانستان دولتی بیلن سوزلشوو اوتکزیشی خصوصیده بیرگن وعدهلریگه عمل قیلگنی یا-ده قیلمهگنی اوچون دوحه کیلیشوونامهسی نینگ تیکشیرماقده.
باشقه بیر تاماندن ارگ نینگ اعلامیهسیده کیلیشیچه، آنتونی بلینکن افغانستان ده ریجهلنگن ترورلر کوپهیشی و زوروانلیکلر میزانی یوقاری کیتیشی خصوصیده اوز خواطری نی بیلدیریب و اونینگ قارهلگن. ارگ نینگ اعلامیهسیگه کوره، آمریکا تشقی ایشلر وزیری افغانستان امنیتی و مدافعه کوچلری نینگ قربانیلرینی تقدیرلب و افغانستان ده دایمی و معنالی بیر آتیش کیسین تأمین ایتیلیشی اوچون سعی و حرکت قیلیشی نی بیلدیرگن.
جمهورلیک ریاستی گه کوره، شونینگدیک آمریکا تشقی ایشلر وزیری یقیین کیلهجکده مذکور مملکت جمهوررئیسی جوبایدن، جناب غنی بیلن تلیفونی صحبت اوتکزیشیدن خبر بیرگن.
شوندهی بیرحالده، جناب بلینکن بوندن آلدین هم آمریکا و طالبان گروهی آرهسیده امضالنگن کیلیشوونامه نینگ تیکشیریلیشی ممکن دیگن ایدی. جناب بلینکن دن کیین آمریکا ملی خوفسیزلیک مصلحتچیسی جیک سالیوان، افغانستان ملی خوفسیزلیک مصلحتچیسی حمدالله محب بیلن اوتکزگن تلیفونی سوزلشووده، دوحه کیلیشوونامهسی نینگ تیکشیریلیشی دن خبر بیرگن.