آمریکا تشقی وزیرلیگی اوچون جو بایدن نینگ پیشنهادی گزینه‌سی آنتونی بلینکن نینگ ایتیشیچه، آمریکا دولتی و طالبان آره‌سیده امضالنگن شرطنامه نینگ تیکشیریلیشی ممکن. اونینگ کوپه‌یتیریشیچه، حاضرگه‌قدر آمریکا و طالبان آره‌سیده صورت تاپگن سوزلشوولر جزییاتی خصوصیده معلوماتی یوق و انه‌شو سبب، اوشبو شرطنامه نینگ دقت‌لی شکلده تیکشیریلیشی کیره‌ک.
اوتگن “سه‌شنبه” کونی جناب بلینکن آمریکا سناتورلری حضوریده ایتیشیچه: « افغانستانده دوامی بولگن اوروشی‌میزنی یکونلنتیریش‌نی ایسته‌یمیز. حربی‌لریمیزنی قیته‌ریش‌نی ایسته‌یمیز.» اونینگ کوپه‌یتیریشیچه: « دقت بیلن تیکشیریشی‌میز کیره‌ک و نیمه توغریده بحث صورت تاپگنی‌نی بیلیشی‌میز لازم. مین حاضرگه‌قدر سوزلشوو جزییاتیدن آگاه ایمسمن.»
فرانسه کونده‌لیگی نینگ گزارشی‌گه کوره، بلینکن طالبان بیلن بولگن سوزلشوولرده عیاللر حقوق‌لرینی نظرگه آلینیشیدن ایشانچ بیرگن. اونینگ کوپه‌یتیریشیچه، افغانستان دولتی و طالبان گروهی آره‌سیده بولگن تینچلیک سوزلشوولرده عیاللر و قیزلرنینگ ۲۰ ییل‌لیک یوتوق‌لری نظرگه آلینمه‌گن صورتده، اوشبو جریان نتیجه‌سینی دوام قیلمهیشی ممکن.
آمریکا و طالبان گروهی اوتگن ییل حوت آیده قطر باشکنتی دوحه‌ده تینچلیک شرطنامه نی امضا قیلگنلر. اوشبو شرطنامه ده آمریکا بوتون حربی‌لرینی ۲۰۲۱- ییل گه‌قدر افغانستاندن چیقاریشی‌نی بیلدیریب و اونگه قرشی طالبان گروهی عصیانچی گروه‌لرگه افغانستان توپراغیدن هجوم قیلیش اوچون رخصت بیریمه‌یشیدن ایشانچ بیرگن.
