اوزبیکستان جمهور باشلیغی شوکت میرضیایف، سرمایه کیریتیش برقرارلیک، ینگی مرهلر و ینگی شیریکلیک دیب ناملنگن تاشکنیت خلقارا سرمایه کیریتیش فورمی بیشینچی باسقیچیده، اوتگن ییلی اوزبیکستان اقتصادیاتیگه ۴۳ میلیارد دالر سرمایه جلب قیلینگنینی بیلدیردی.
میرضیایف جنابلری، ۱۷ جون، چهارشنبه کونی اوشبو فورمده ایتیشیچه، اوتگن ییلی یلپی ایچکی محصولات ۷۷ فایز گه آشیب و اقتصاد گه ۴۳ میلیارد دالر سرمایه جلب قیلینگن.
او شوندهی دییدی: « اوتگن ییلی یلپی ایچکی محصولات ۷۷ فایز گه اوسدی و اقتصاد گه ۴۳ میلیارد دالر سرمایه جلب قیلیندی. ملی اقتصادیات تأمینلنیب خلقارا ذخیرهلر حجمی ۷۰ میلیارد دالردن آرتدی.»
میرضیایف جنابلري، ینگی اوزبیکستانده سرمایه کیریتیشنی توبدن یخشیلش اوچون تیزیملی چاره تدبیرلر آلیب باریلهیاتگنینی قوشیمچه قیلدی. اونینگ کوپهیتیریشیچه، تورت ییل اول بیرینچی فورم اوتکزیلیشیده میلادی ۲۰۲۶ ییل یکونیگه کیلیب اوزبیکستان اقتصادیاتی ۱۰۰ میلیارد دالر گه ییتیشی مقصد قیلینگن، بیراق سرمایه کیریتووچیلر بیلن بیرگهلیکده قیلینگن سعی-حرکتلر، جدل صورتلر گه اوسیب بارهیاتگن اقتصادیات سببلی، بو ییل ۱۸۰ میلیار دالردن آشیشی ممکن.
اوزبیکستان جمهور باشلیغی، اوشبو مملکت اوچ تریلیون دالرلیک طبیعی منبعلر گه ایگهلیگینی قوشیمچه قیلگن. او شوندهی دییدی: «اوزبیکستان طبیعی منبعلر جملهدن گاز، مس، آلتین و باشقه نایاب ذخیرهلر گه ایگه و بولرنینگ قیمتی اوچ تریلیون دالر. بو ساحهدهگی امکانیتلرنی خارجیلر گه تقدیم ایتیش مقصدیده آچیق معلوماتلر یرهتیلهدی.»
افغانستان اسلام امیرلیگی همده دنیانینگ تورلی بورچکلریدن شرکتلر نمایندهلری و تدبیرکارلر اوزبیکستانده سرمایه کیریتیش مقصدیده بو مملکت رسمیلری و سوداگرلری بیلن شرطنامهلر امضالهدی. اوشبو فورمده ۱۰۰ دن آرتیق مملکتدن مهمان اشتراک ایتگنی ایتیلگن.
