طالبان مذاکره قیلووچی هیأت اورینباسری شیرمحمد عباس استانکزی نینگ ایتیشیچه، جمهوررئيس غنی نینگ حکومتی تینچلیک برابریده یگانه توسیق دیر.
استانکزی نینگ کوپهیتیریشیچه، جناب غنی قربانلیک بیریب و جمهورلیک ریاستیدن استعفا بیرگن حالده، افغانستان گه تینچلیک تأمینلنیشی ممکن.
بوگون (جمعه، ۱۰- دلو) ساغلیک وزیرلیگی نینگ اعلام قیلیشیچه، اوتگن ۲۴ ساعت ده کرونا ویروس گه شبههلی ۱ مینگ و ۷۹۰ واقعه تیکشیریلگن، کیم بولردن ۶۹ تهسی ایجابی انیقلنگن.
آمریکا مدافعه وزیرلیگی نینگ اعلام قیلیشیچه، طالبان دوحه کیلیشوونامهسیگه عمل قیلمهگن و شو یوزدن آمریکا ینگی دولتی جاری میلادی ییل نینگ می آیی گه قدر، بوتون حربیلری نینگ چیقاریشی خصوصیده وعده بیرمهیدی.
آمریکا تشقی ایشلر وزیری آنتونی بلینکن، تینچلیک سوزلشوولری خصوصیده جمهوررئیس محمداشرف غنی بیلن صحبت اوتکزگن.
جمهوررئيسلیک سرایی نینگ اعلام قیلیشیچه، مذکور سوزلشوو اوتگن کون (پنجشنبه ۹- دلو) شام چاغی صورت تاپگن و ایکی تامان تینچلیک سوزلشوولری و ایکی مملکت علاقهلری حقیده سوزلشگن.
