ایکی کون آلدین کابل غربی قسمیده اویوشتیریلگن قانلی هجوم‌لر، که اسلامی دولت (داعش) مسئولیتینی زمه‌سیگه آلگن، خلق‌ارا کیچیریم تشکیلاتی اوشبو هجوم‌لرنی بشریت گه قرشی جنایت دیگن.
اوتگن کون (دوشنبه، ۱۷ اسد) خلق‌ارا کیچیریم تشکیلاتی، کابل غربی ده اویوشتیریلگن سونگی هجوم‌لرنی قاره‌لب و اسلامی امارت سرپرست حکومتیدن، افغانستان هزاره‌لری نینگ خوفسیزلیگی تأمین ایتیلیشی اوچون دقت قیلیشینی طلب قیلگن.
بیزلرنینگ فیسبوک صحیفه‌میزگه باش اورینگ!
آسیا جنوبی ده خلق‌ارا کیچیریم تشکیلاتی نینگ تدقیقاتچیسی زمان سلطانی گه کوره، اسلامی امارت افغانستان نینگ حاضرگی حکومتی اوله‌راق، خلق‌ارا معیارلر اساسیده، اوشبو هجوم‌لر گه دایر طرف‌سیز تیکشیریش‌لرنی باشلب و عامل‌لرینی عادلانه محکمه گه تارتیشی کیره‌ک.
بیزلرنینگ توییترده هم تعقیب قیلینگ!
بوندن آلدین خلق‌ارا کیچیریم تشکیلاتی، ۲۰۲۱_ییل ده افغانستان اسلامی امارت نظارتی گه اوتگچ، هزاره‌لر نینگ اولدیریلیشینی مستند قیلگن. افغانستان ده بیرلشگن ملت‌لر تشکیلاتی اورین باسرلیک هیأت دفتری یا یوناما نینگ معلوماتی اساسیده، کابل غربی قسمیده شیعه‌لر گه قرشی اویوشتیریلگن هجوم‌لرده ۱۲۰ کیشی هلاک بولیب و یره‌لنگن.
