افغانستان اسلامی امارتی نینگ تشقی ایشلر وزیرلیگی، ملتلر تشکیلاتی نینگ اعتبار بیریش کمیته‌سی تامانیدن تصویب ایتیلگن قطع‌نامه گه قرشی عکس‌العمل کورستیب، بو تشکیلات عمومی ییغینیده افغانستان کرسی‌سی اسلامی امارت نماینده‌سیگه بیریلمه‌گنی توغریسیده ایتیشیچه، بو ایش حاضرگی حکومت نینگ قانونی بولیش حقی گه توسیق بوله‌دی.
بیرلشگن ملتلر تشکیلاتی نینگ عمومی ییغینیده تصویب ایتیلگن قطع‌نامه اساسیده، بو تشکیلات ده افغانستان کرسی‌سی اسلامی امارت حکومتی تامانیدن تانیشتیریلگن نماینده گه اختصاص بیریلیشی، کیین‌گه قالدیرلگنی تصدیق‌لنگن.
اوتگن کون (دوشنبه ۱۵- قوس) بو قطع‌نامه رای گه قوییلمس دن اجماع اساسی‌گه، بیرلشگن ملتلر تشکیلاتی نینگ عمومی ییغینی ده تصویب ایتیلگن.
بیرلشگن ملتلر تشکیلاتی نینگ ۱۹۳ اعضاسی بار که بو تشکیلات قطع‌نامه‌سیده، غلام‌محمد اسحاق‌زی، افغانستان سابق دولتی نینگ نماینده‌سی اوله‌راق اوز ایشی‌گه دوام بیره‌دی.
اسلامی امارت تشقی ایشلر وزیرلیگی، تصویب ایتیلگن قطع‌نامه گه عکس‌العمل کورستیب، اسلامی امارت حکومتی افغانستان ده مسوول و حاکم بیر حکومت اوله‌راق، بیرلشگن ملتلر تشکیلاتی ده افغانستان دن نماینده‌لیک قیلیش اوچون قانونی حقی بار، دیگن.
بیزلرنینگ فیسبوک صحیفه‌میزگه باش اورینگ!
بوگون، بو وزیرلیک سوزلاوچیسی عبدالقهار بلخی تامانیدن ترقه‌تیلگن اعلامیه‌ده، بو تشکیلات ده افغانستان کرسی‌سی بو مملکت حاضرگی حکومتی بیلن هیچ همکارلیگی و علاقه‌سی بولمه‌گن بیر کیشی گه قالیشی، افغانستان خلقی نینگ قانونی حقی نی کوزگه ایلمس‌لیک دیگن.
بو اعلامیه ده، افغانستان خلقی نینگ قانونی حقی دن انکار قیلیش و اوندن باسیم صفتیده قول‌لنیش نینگ هیچ بیر منفعت و قانونی اورینی یوق، دیب تاکید‌لنگن.
افغانستان اسلامی امارتی، قطرده اسلامی امارت سیاسی دفتری سوزلاوچیسی سهیل شاهین نینگ ملتلر تشکیلاتی گه نماینده اوله‌راق تانیشتیرگن ایدی. افغانستان کرسی‌سی سهیل شاهین گه تاپشیریلیشی، اسلامی امارت حکومتی نینگ رسمیت گه تانیلیشی اوچون بیر اقدام دییلگن.
