اسلامی امارت رئیس‌الوزراسی نینگ سیاسی اورین باسری عبدالکبیر نینگ ایتیشیچه، اسلامی امارت رسمیت‌گه تانیلیشی اوچون بوتون شرط لرنی تکمیل قیلگن. اسلامی امارت سوزلاوچی‌لریدن بیری انعام‌الله سمنگانی نینگ توییتر صحیفه‌سیده یازیشیچه، عبدالکبیر اوشبو مسله‌نی بوگون “سه‌شنبه“ توشدن آلدین افغانستان بوییچه اوزبیکستان جمهور رییسی نینگ خاص نماینده‌سی عصمت‌الله ابرگاشف بیلن کابلده اوتکزگن صحبتیده بیان قیلگن.
رئیس‌الوزرا اورین باسری نینگ ایتیشیچه، حاضرده دنیا نینگ فشار کیلتیریش اورنیده سوزلشوو یولی آرقه‌لی تعامل قیلیشی کیره‌ک. اونینگ کوپه‌یتیریشیچه، دنیا قیدسیز و شرط‌سیز افغانستان اهالیسی‌گه بولگن انسان دوست‌لیک یاردم‌لرینی دوام بیریشی لازم.
افغانستان بوییچه اوزبیکستان جمهور رییسی نینگ خاص نماینده‌سی عصمت‌الله ایرگاشف نینگ اوشبو اوچره‌شووده ایتیشیچه، اوز مملکتی افغانستانده‌گی یاردم‌لری و دوست‌لیگی نی دوام بیره‌دی.
اونینگ تاکید قیلیشیچه، اوزبیکستان، اسلامی امارت نینگ رسمیت‌گه تانیلیشی اوچون قیلگن سعی و حرکت‌لری خصوصیده دنیا گه معلومات بیره‌دی.
افغانستانده اسلامی امارت حاکم بولگنیدن کمیده ۴ آی اوتماقده، لیکن حاضرگه‌قدر هیچ‌بیر مملکت اوشبو حکومت نی رسمیت گه تانیمه‌گن.
