هند نینگ یاردم بوغدایی ایکینچی یوکی پاکستان آرقه‌لی افغانستان گه یوباریلگن. پاکستان ییتکیرمه‌لری نینگ گزارشی اساسیده، اوشبو یاردم‌لر واگه بندرگاهی آرقه‌لی افغانستان گه یوباریلگن.
پاکستان نینگ دان کونده‌لیگیدن نقل قیلینیشیچه، ۲ مینگ تُن بوغدای‌دن عبارت اوشبو یاردم‌لر شنبه کونی ۳۶ لاری آرقه‌لی افغانستان گه یوباریلگن.
بیزلرنینگ فیسبوک صحیفه‌میزگه باش اورینگ!
افغانستان اوچون هند کمکی بوغدایی نینگ بیرینچی یوکی تخمیناً ایکی هفته آلدین، ایکی مینگ ۵۰۰ تُن بوغدای نی پاکستان تامانیدن ۴۱ لاری آرقه‌لی ننگرهار ولایتیگه انتقال بیریلگن ایدی.
هند و پاکستان بیتیمی اساسیده، هند کمکی بوغدایی نینگ ۵۰ مینگ تُنی افغانستان گه بیر آی ایچیده انتقال بیریلشی کیره‌ک. بیراق پاکستانی رسمی‌لری نینگ ایتیش‌لریچه، انتقال نینگ سرعتی گه توجه قیلینگنیده، اوشبو ایش نینگ بیر آی ایچیده انجام بیریلشی ممکن ایمس.
بیزلرنینگ توییترده هم تعقیب قیلینگ!
پاکستان منبع‌لری گه کوره، حاضرگچه افغانستان گه ایکی محموله‌ده یالغیز ۴ مینگ و ۵۰۰ تُن بوغدای نی انتقال بیریلیب و ۴۰ مینگ تُن‌دن آرتیغی ایسه قالگن.
هند دولتی افغانستانده اقتصادی بحران کوچه‌یشیدن کیین، مذکور مملکت گه انسان‌دوستلیک یاردم صفتیده ۵۰ مینگ تُن بوغدای بیریش اوچون تعهد بیردی. هند اوشبو بوغدای‌نی واگه بندرگاهی آرقه‌لی افغانستان گه انتقال بیریش اوچون افغانستان ده‌گی لوژستیکی بیر کمپنیه بیلن کیلیشگن.
