دنیا بانکی، افغانستان گه ۲۰۰ میلیون دالر توله‌ش پروسه‌سی نینگ توخته‌تیلگنی نی اعلام قیلگن.
افغانستان بوییچه دنیا بانکی باشلیغی هنری کرالی، جمهوررئیس محمداشرف غنی گه بیر نامه یوباریب، ۱۸۰ میلیون دالر توللنمه‌سی نینگ دلیلی نی مرکزی بانک تامانیدن بوتون اقتصاد توغریسیده رقم و معلومات بیرمه‌سلیگی دیگن.
دنیا بانکی باشلیغی مذکور نامه‌ده بو بانک نینگ نیچه کتبی ایسته‌گی جواب‌سیز قالیشی گه اشاره قیلیب، جمهوررئیس دن بو موضوع گه اَره‌لشی نی سوره‌گن.
اوشبو نامه‌ده باشقه ۲۰ میلیون دالر نینگ توللنمه‌سلیگی نی دلیلی، خصوصی و عامه مشارکت قانون‌لریده‌گی سونگی اوزگریش دییلگن، مذکور اوزگریش اساسیده، خصوصی و عامه قوشمه پروژه‌لرنینگ مدیریتی مالیه وزیرلیگیدن، جمهورلیک ریاستی نینگ ایشلر اداره‌سیگه تاپشیریلگن.
بو ییل دنیا بانکی افغانستان گه ۶۰۰ میلیون دالر پول بیریش اوچون وعده بیرگن و بولردن حاضرگچه ۴۰۰ میلیون دالری افغانستان حکومتی گه بیریلگن.
