پاکستان دنیا بویلب افغانستان اسلام امیرلیگی بیلن نسبتن مناسبتی یخشی بولگن اولکه‌لردن سنله‌دی و اسلام امیرلیگی حاکمیتیدن بیری هردایم اوشبو حکومت بیلن دنیا همجمعیت نینگ تعامل قیلیشی اوچون لابیچیلیک قیلیب کیلگن، بیراق اوشبو مناسبتی بیلن هم؛ پاکستان‌لیک طالبلر تحریکی (تی‌تی‌تی) مسئله‌سی اسلام امیرلیگی و پاکستان حکومتی ارا لفظی تارتیشوولر گه سبب بولگن.
پاکستان اسلام امیرلیگی واسطه‌چیلیگی ده تی‌تی‌پی جنگری‌لری بیلن مذاکره قیلدی، لیکن اوشبو مذاکره‌لر نتیجه‌سیز قالیشی بیلن، پاکستان مذکور گروه و افغانستان ایچیده اولر نینگ حضوری دن خواطر بیلدیرگن.
نیچه کوندن بویان، پاکستان رسمی‌لری نینگ تی‌تی‌پی جنگری‌لری باره‌سیده خواطرلری گه کوچه‌یگن و اسلام امیرلیگی افغانستان ایچیده پاکستان خوفسیزلیگی برابری ده فعالیت قیلیش اوچون هیچ گروه گه اجازه بیرمسلیگیدن ایشانچ بیرسه ده، بیراق پاکستان مدافعه وزیری خواجه محمدآصف، مذکور مملکت تی‌تی‌پی جنگری‌لرینی اسلام امیرلیگی همکارسیزلیگی بیلن یوق ایتیشینی معلوم قیلیب و اسلام امیرلیگی دن دوحه بیتیمی اساسیده تروریزم گه قرشی کوره‌شینی طلب قیلگن.
بیزلرنینگ فیسبوک صحیفه‌میزگه باش اورینگ!
تروریزم تهدیدلری باره‌سیده پاکستان خواطر بیلدیرماقده ایکن؛ ایش بیلرمانلر نینگ ایشانچی گه کوره، پاکستان تی‌تی‌پی مسئله‌سینی بهانه قیلیب دنیا دن باج آلیش و افغانستان اوستیگه طلب‌لرینی تحمیل قیلیش اوچون استخباراتی اویین یولگه قوییش آرتیده دیر.
سیاسی و امنیتی ایش بیلرمان یوسف‌امین زازی نینگ ایتیشیچه: «پاکستان منطقه و دنیا بیلن خوفلی مسئله‌نی آلغه آلیب بارماقده، بو مملکت سونگی قیرق ییل ایچیده تروریزم گه قرشی کوره‌ش بهانه‌سیده کوپ پول آلگن، ینه هم باج آلیش اوچون سعی‌وحرکت قیلماقده دیر.»
پاکستان بوندن آلدین، اوز توپراغیده عصیانچی قوراللی گروه‌لر و تروریزم نی قوللب_قوتلش گه عیبلنگن.
بیرقطار ایش بیلرمانلر نینگ ایشانچی گه کوره، پاکستان اوشبو بیانات‌لری بیلن عصیانچی گروه‌لردن حمایت ایتمسلیگی اوچون دنیا همجمعیت آلدیده اوزینی آقلش مقصدیده دیر.
پاکستان تروریزم گه قرشی کوره‌ش ده متعهد بولسه، دستلب چیگره ده‌گی قیینچیلیک‌لرینی حل قیلیب و چیگره‌لرینی کنترول قیلیشی کیره‌ک دیه تأکید ایته‌دیلر، ایش بیلرمانلر.
مذکور ایش بیلرمانلر نینگ ایتیشلریچه، پاکستان افغانستان ده عصیانچی گروه‌لر فعالیتیدن تشویش ده بولسه، افغانستان نینگ حاضرگی حکومت رسمی‌لری گه حجت و مدرک اوزه‌تیشی کیره‌ک.
افغانستان ده عصیانچی گروه‌لر فعالیتیدن نه فقط پاکستان تشویش ده بلکه؛ اوتگن ایکی ییل ده دنیا همجمعیت اینیقسه افغانستان نینگ قوشنی اولکه‌لری تامانیدن هم خواطر بیلدیریلگن.
بیزلرنینگ توییترده هم تعقیب قیلینگ!
امنیتی مسئله‌لر ایش بیلرمانی صادق شینواری، منطقه مملکت‌لری ارا خواطرلر گه چیک قوییش اوچون هماهنگ‌لیک بیر مرکز تشکیل ایتیلیشی اوستیده تأکید ایته‌دی.
او نینگ کوپه‌یتیریشیچه: «پاکستان بو قیینچیلیک حل بولیشنی ایستسه، منطقه، فرا منطقه و حتا دنیا همجمعیت بیلن هماهنگ‌لیک بیر مرکز تشکیل ایتیشی کیره‌ک، خوفلی گروه‌لر فعالیتی بولگن استخباراتی معلومات‌لرنی شریک قیلیب و اولرنی یوق ایتیش اوچون بیر اجماع و هماهنگ‌لیک تشکیل ایتیش‌لری لازم.»
ایتیش کیره‌ک که، افغانستان و پاکستان چیگره حدودلریدن پاکستان‌لیک طالبلر تحریکی و اولر نینگ عایله اعضالری نی اوزاقلشتیریش اوچون پاکستان حکومتی بیلن اسلام امیرلیگی نینگ کیلیشووی باره‌سیده گزارش‌لر ترقهلگن.
