پاکستان مدافعه وزیری خواجه محمدآصف نینگ ایتیشیچه، اسلام امیرلیگی بیلن بولگن کیلیشوو گه قرشی، افغانستان توپراغیدن پاکستان برابریده فایده له‌نیله‌دی.
جیونیوز تلویزیونی بیلن صحبت اوتکزگن پاکستان مدافعه وزیری گه کوره، اسلام امیرلیگی حکومتی افغانستان توپراغیدن پاکستان گه قرشی فایده له‌نیلمسلیک وعده‌سینی بیرگن.
پاکستان رسمی‌لری، افغانستان اسلام امیرلیگی پاکستان طالبلر تحریکی گه جای بیریب و اوشبو گروه افغانستان توپراغیدن پاکستان گه قرشی هجوم قیلیش اوچون تیارگرلیک کوره یاتگنینی بیلدیرگن.
بیزلرنینگ فیسبوک صحیفه‌میزگه باش اورینگ!
عین‌حالده، پاکستان ملی خوفسیزلیک کینگشی، هیچ بیر مملکت عصیانچی گروه‌لر گه جای بیریب و اولر گه امکانیت بیریش گه حقی یوق دیب تأکید ایتگن.
پاکستان باش وزیری شهباز شریف ییتکچیلیگیده یولگه قوییلگن اوشبو مملکت ملی خوفسیزلیک کینگشی نینگ رسمی بیانیه‌سی گه بناً، پاکستان اوز فقرالری دن دفاع قیلیش اوچون برچه حقوقی دن فایده لنه‌دی.
ایتیش کیره‌ک که بوندن آلدین، پاکستان ایچکی ایشلر وزیری رانا ثناءالله، پاکستان طالبلر تحریکی اعضالری افغانستان ده فعالیت قیله‌دی و نیاز بولگن حالده، اولر گه قرشی حربی عملیات یولگه قوییلیشینی ایتگن ایدی.
افغانستان ملی مدافعه وزیرلیگی، یک‌شنبه کونی، ۱۱ جدی، اوز توییتری ده ترقه‌تگن بیانیه‌سیده، پاکستان ایچکی ایشلر وزیری رانا ثناءالله نینگ افغانستان ده پاکستان طالبلر تحریکی (تی‌تی‌پی) حضوری و پاکستان افغانستان ده مذکور گروه قرارگاه‌لرینی نشانگه آلیش بیاناتی گه مناسبت بیلدیریب، بو سوزلرنی تحریک قیلووچی و اساس‌سیز دیگن.
بیزلرنینگ توییترده هم تعقیب قیلینگ!
افغانستان مدافعه وزیرلیگی پاکستان دن، برچه خواطرلر و قیینچیلیکلر مذاکره آرقه‌لی حل بولیشینی طلب قیلگن. اوشبو وزیرلیک افغانستان ایگه‌سیز ایمس دیه تأکید ایتگن.
مدافعه وزیرلیگی نینگ یازیشیچه: «برچه خواطر و قیینچیلیکلر کیلیشوو و مذاکره آرقه‌لی حل بولیشینی ایسته‌یمیز. افغانستان ایگه‌سیز ایمس، بیز افغانستان نینگ بوتون توپراغیدن مدافعه قیلیشگه دایم تیارمیز، باشقه‌لر گه نسبتن مملکت دن مدافعه قیلیش تجربه گه ایگه‌میز.»
