افغانستان ملی مدافعه وزیرلیگی، یک‌شنبه کونی، ۱۱ جدی، اوز توییتری ده ترقه‌تگن بیانیه‌سیده، پاکستان ایچکی ایشلر وزیری رانا ثناءالله نینگ افغانستان ده پاکستان طالبلر تحریکی (تی‌تی‌پی) حضوری و پاکستان افغانستان ده مذکور گروه قرارگاه‌لرینی نشانگه آلیش بیاناتی گه مناسبت بیلدیریب، بو سوزلرنی تحریک قیلووچی و اساس‌سیز دیگن.
مدافعه وزیرلیگی نینگ بیانیه‌سیده کیلیشیچه: «تی‌تی‌پی مرکزلری پاکستان ده بولسه ده، لیکن اوشبو مملکت رسمی‌لری نینگ بو گَل ادعالری، قوشنی و برادر ایکی مملکت نینگ حسنه مناسبتی اوستیگه تأثیر قیله‌دی.»
بیزلرنینگ فیسبوک صحیفه‌میزگه باش اورینگ!
افغانستان مدافعه وزیرلیگی پاکستان دن، برچه خواطرلر و قیینچیلیکلر مذاکره آرقه‌لی حل بولیشینی طلب قیلگن. اوشبو وزیرلیک افغانستان ایگه‌سیز ایمس دیه تأکید ایتگن.
مدافعه وزیرلیگی نینگ یازیشیچه: «برچه خواطر و قیینچیلیکلر کیلیشوو و مذاکره آرقه‌لی حل بولیشینی ایسته‌یمیز. افغانستان ایگه‌سیز ایمس، بیز افغانستان نینگ بوتون توپراغیدن مدافعه قیلیشگه دایم تیارمیز، باشقه‌لر گه نسبتن مملکت دن مدافعه قیلیش تجربه گه ایگه‌میز.»
عین‌حالده، پاکستان ایچکی ایشلر وزیری رانا ثناءالله ینگی‌لیکده، اکسپرس تلویزیونی بیلن اوتکزگن صحبتیده ایتیشیچه، خلق‌ارا قاعده‌لر گه بناً، اوشبو مملکت افغانستان ده پاکستان طالبلر تحریکی قرارگاه‌لری گه هجوم قیلیشگه حقی بار و افغانستان توپراغیده پاکستان طالبلر تحریکی (تی‌تی‌پی) قرارگاه‌لری گه هجوم قیلیشی ممکن.
بیزلرنینگ توییترده هم تعقیب قیلینگ!
او اسلام امیرلیگی رسمی‌لریدن، افغانستان ده پاکستان طالبلر تحریکی قرارگاه‌لرینی یوق ایتیش‌نی سوره‌گن؛ عکس‌حالده، پاکستان اولر نینگ قرارگاه‌لرینی نشانگه آلیشی ممکن.
