اسلامی امارت استخبارات عمومی ریاستی، اسلامی دولت (داعش) افغانستان بویلب ینگی جنگری جذب قیلیشی گه دایر آمریکا قوشمه ایالت‌لری مرکزی قوماندان‌لیگی نینگ قوماندانی جنرال کنت مککنزی نینگ سونگی بیاناتینی رد قیلگن.
جنرال مککنزی جمعه کونی، ۲۷ حوت مطبوعاتی ییغینده ایتیشیچه، اسلامی امارت تامانیدن داعش جنگری‌لری بگرام و پلچرخی قماقخانه‌لریدن قوییب یوباریلیشی، افغانستان‌ده اوشبو گروه کوچله‌نیشی گه سبب بولگن.
آمریکا قوشمه ایالت‌لر مرکزی قوماندان‌لیگی نینگ قوماندانی گه کوره، حاضر افغانستان‌ده مینگلب داعش جنگری‌لری موجود و آمریکا قوشمه ایالت‌لری گه هجوم قیلیش مقصد سعی-تلاش قیلماقده‌لر.
بیزلرنینگ فیسبوک صحیفه‌میزگه باش اورینگ!
بیراق اسلامی امارت استخبارات ریاستی، جنرال مککنزی نینگ بیاناتینی رد قیلیب و بو سوزلرنی «استخباراتی شایعه و داعش اوچون کمپاین» عنوان قیلگن.
مذکور ریاست توییتری‌ده یازیشیچه: «داعش اشغالگرلر نینگ اطلاعاتی پروژه‌سی ایدی که اشغالگرلیک یکونی بیلن بوتونلی یوق ایتیلگن و حاضر بو فتنه مملکت نینگ هیچ بیر نقطه‌سیده فزیکی حضورلری یوق دیر. بیز ملت و قوشنی اولکه‌لر همده دنیا گه، افغانستان‌ده داعش خواطرلی بیر موضوع ایمسلیگیدن ایشانچ بیلدیره‌میز.»
بو عین‌حالده، اسلامی امارت افغانستان گه قدرت گه ایریشیدن کیین، مملکتده نیچه خودکش هجوم اویوشتیریلدی که نتیجه‌ده یوزلب فقرا نینگ اولیمی و یره‌لنیشی گه سبب بولدی. اوشبو هجوم‌لر مسئولیتینی داعش-خراسان گروهی زمه‌سی گه آلگن.
شو بیلن بیرگه جنرال مککنزی نینگ ایتیشیچه، بهار موسومی باشله‌نیشی بیلن، داعش گروهی افغانستان‌ده هجوم‌لری گه شدت بیریشی ممکن، لیکن اسلامی امارت داعش عملیات لرینی محدود قیلیش اوچون تلاش قیله یاتگن‌لرینی بیلدیردی.
بیزلرنینگ توییترده هم تعقیب قیلینگ!
امریکا قوشمه ایالت‌لری و باشقه نیچه مملکت استخباراتی، افغنستان‌ده اسلامی امارت حاکم بولیشیدن کیین، اوشبو مملکتده داعش-خراسان جنگری‌لری اوتمیش ییل گه نسبتن ایکی برابر بولیب و حاضر اولر نینگ سانی ۴۰۰۰ کیشی گه ییتگن.
بیراق آمریکا قوشمه ایالت‌لری استخباراتی نینگ تخمینی اساسیده، داعش-خراسان شاخه‌سی محتملاً ۱۲ آی‌دن ۱۸ آی مابینیده، غرب گه قرشی هجوم اویوشتیریش گه قادر بولیشی ممکن.
