بوگون (سه‌شنبه، ۱۶-عقرب)، کابل ده «باختر» خصوصی بیلیم یورت ساحه‌سیده، سوداگرلیک بیر کورگزمه آچیلگن.
مذکور سوداگرلیک کورگزمه، اقتصادی ترقیات، طلبه‌لر و تولیدی و سوداگرلیک تشکیلات‌لر آره‌سیده علاقه برقرار بولیشی و ییگیت‌لر گه ایش زمینه‌سی یره‌تیلیشی مقصد، باختر بیلیم یورتی تامانیدن، ایکی کون‌گچه یولگه قوییلگن.
بیزلرنینگ «ایکس» ترماغی ده هم تعقیب قیلینگ!
باختر بیلیم یورتی اداری اورین‌باسری نورمحمد نور نینگ ایتیشیچه، اوشبو کورگزمه نی ایش بازاری‌ده طلبه‌لر نینگ کوچه‌یتیریش مقصد، یولگه قوییگنلر.
اونینگ کوپه‌یتیریشیچه: «طلبه‌لر نینگ ایش بازاری نینگ تانیشلری و بازار وضعیتی نی بیلیشلری خصوصیده، عملی ایشلری اوچون اوشبو کورگزمه نی یولگه قوییدیک و اولر ایش بازاری بیلن یخشی شکلده تانیشسین‌لر.»
شونده‌ی بیرحالده، باختر بیلیم یورتی اقتصاد فاکولته‌سی نینگ اوچینچی صنف طلبه‌سی و اوشبو کورگزمه نی یولگه قوییگنلردن بیری عبدالوارث امیری نینگ ایتیشیچه، بو کبی کورگزمه‌لر نینگ یولگه قوییلیشی، محصوللری نینگ ساتیلیشی اوچون جوده‌یم اونملی دیر.
اونینگ کوپه‌یتیریشیچه: «بو کورگزمه محصول‌لریمیز نینگ ساتیلیشی اوچون جوده‌یم اونملی دیر. محصول‌لریمیز نینگ ساتیش بیلن، بازار خصوصیده یخشی درک قولگه کیلتیره‌میز و کیچیک تجارت‌لر نینگ ایجاد قیلیش بیلن، قیسی محصول و تولیدلر نینگ مملکت ایچیگی آلیب کیلیب و قیسی‌سی نی آلیب کیلمه‌سلیک نی بیله‌میز.»
بیزلرنینگ فیسبوک صحیفه‌میزگه باش اورینگ!
مذکور کورگزمه گه شرکت قیلووچیلردن بیری سلیمان نیازی، یشاوچیلردن مملکت‌ده ایشلب چیقریلگن محصول‌لردن قوللنیشلری نی ایسته‌گن. اونینگ ایتیشیچه: «اهالی اوز مملکتی‌میزده توزه‌تیله‌دیگن محصول‌لر و تولیدلر نینگ آلیشلری کیره‌ک و اوندن حمایت قیلیش اوچون، وطنی محصول‌لردن قوللنسینلر.»
ایتیش کیره‌ک که، اوشبو کورگزمه‌ده مملکت‌ده ایشلب چیقریلگن محصول‌لر و صناعت محصوللری ۱۷ غرفه‌ده نمایش گه قوییلگن.
