کابل یشاوچیلریدن قطاری، نفتی ماده‌لر بهاسی نینگ یوقاریلیگیدن شکایت قیلیب و ایتیش‌لریچه، نیچه آی‌دن بیری نفتی ماده‌لر نرخی یوقاری کیتگن.
کابل شهری‌‌ده‌گی هیداوچیلردن فرید‌الله نینگ ایتیشیچه، اسلام امیر‌لیگی نفتی ماده‌لر نرخی نی کنترول قیلیش‌لری کیره‌ک. اونینگ کوپه‌یتیریشیچه: «حاضر ایسه تیل تانک‌لری مدیریت بولمه‌یدی؛ هر کیم هر نرخ بیلن تیل ساته‌دی. بیر تیل تانک‌ده پترول نرخی ۷۳ افغانی و باشقه بیر تیل تانک‌ده ایسه ۷۴ افغانی ساتیله‌دی.»
بیزلرنینگ توییترده هم تعقیب قیلینگ!
کابل شهری‌‌ده‌گی هیداوچیلردن باشقه بیری اسماعیل نینگ ایتیشیچه: «یالغیز بیر کون‌ده دیزل تیلی ایکی افغانی آشگن و شونینگدیک گاز قیمتی‌ده هم ایکی افغانی اضافه بولگن. تیل قیمتی یوقاری کیتگن و بیزلر اوچون کوپ قیین‌چیلیک ایجاد قیلگن.»
حاضر، کابل شهری نینگ بازارلریده بیر لیتر دیزل ۹۳ افغانی و بیر لیتر پترول هم ۷۳ افغانی ساتیله‌دی.
شونده‌ی بیرحالده، سوداگرلیک و صناعت وزیرلیگی افغانستان بازارلریده نفتی ماده‌لر نرخی نینگ کمهیشی اوچون، روسیه‌دن واردات نینگ کوپه‌یشی‌دن خبر بیرگن.
بیزلرنینگ فیسبوک صحیفه‌میزگه باش اورینگ!
اوشبو وزیرلیک سوزلاوچیسی عبدالسلام جواد آخوندزاده نینگ سلام‌وطندار گه ایتیشیچه: «حاضر ایسه روسیه بیلن بیر میلیون لیتر دیزل و بیر میلیون لیتر پترول خصوصیده بیر تفاهم‌نامه‌میز بار و مملکت بازارلریده نفتی ماده‌لر نرخی نینگ کمهیشی اوچون، روسیه مملکتی‌دن نفتی ماده‌لر وارداتی نی تیزلیککه باشله‌یمیز.»
سوداگرلیک و صناعت وزیرلیگی نینگ معلوماتی اساسیده، حاضر افغانستان نینگ نفت خصوصیده‌گی نیازی، اورته آسیا، روسیه و ایران مملکت‌لریدن وارد بوله‌‌دی.
