کابل ده تازه میوه سوداگرلریدن قطاری نینگ ایتیش‌لریچه، ستندرد موزخانهلر یوقلیگی سبب، تشقی و خارجی بازار‌لر گه میوه‌لر نی ارزان ساتیش گه مجبور‌لر.
کابل شهری‌ده‌گی سوداگرلر نینگ ایتیش‌لریچه، موزخانه یوقلیگی باعث، میوه‌لر نی ارزان شکلده بازار گه ساتیش گه مجبور بولگنلر که انه شوو سبب، هم اوزلری و هم ایکینچیلر زیان کورگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، کابل نینگ مارکیت‌لریدن بیریده زردآلو و شفتالو سوداگری حبیب نینگ ایتیشیچه، بازار و موزخانه یوقلیگی سبب، کوپینچه زیان کورگن دیر.
حبیب نینگ ایتیشیچه: «ستندرد موزخانه یوق که، هوا نینگ ایسیق بولگنی‌ده میوه‌لر نی قویسه‌ک. زردآلو، شفتالو و گیلاس نینگ سقلنشی قیین دیر. بیر سیر شفتالو ۱۰۰ افغانی ساتیله‌دی، چونکه موزخانه یوق. موزخانه بولگنی صورت‌‌ده سقله‌ب و مناسب بها بیلن ساته آله‌میز.»
شونینگدیک کابل ده آلمه ساته‌دیگن سوداگرلردن بیری معشوق نینگ ایتیشیچه: «ستندرد موزخانه یوق، میوه‌لر مملکت‌ده و مملکت‌دن تشقی گه آز بیر بها بیلن ساتیله‌دی. بیر سیر زردآلو ۱۲۰-۱۳۰ افغانی ساتیله‌دی. دهقانلر کیلتیره‌دیگن میوه‌لر بیر یا-ده ایکی کون‌ده خراب بوله‌دی که هم دهقان نی زحمتی حیف بوله‌دی و بیزلر زیان کوره‌میز.»
شونده‌ی بیرحالده، ایکینچی‌لیک، سووغاریش و چاروه‌چیلیک وزیرلیگی سوزلاوچیسی مصباح‌الدین مستعین نینگ ایتیشیچه، ستندرد موزخانه توزه‌تیش اوچون سعی و حرکت‌لر نینگ دوامی بار و حاضر هم آلتی موزخانه نینگ توزه‌تیش ایشی دوام قیلماقده.
بیزلرنینگ توییترده هم تعقیب قیلینگ!
جناب مستعین نینگ کوپه‌یتیریشیچه: «۱۴۰۲-ییل‌ده ۱۴ ته موزخانه نینگ توزه‌تیش گه پلانی‌میز بار و حاضر ایسه آلتی موزخانه نینگ ایشی دوام قیلماقده. اوشبو موزخانهلر ایشی توخته‌گن ایدی و اولر نینگ قیته فعال قیلیش اوچون ایش نینگ دوامی بار. ۳ کون آلدین فراه ده خصوصی بیر شرکت تامانیدن بیر موزخانه ایجاد بولدی و شونینگدیک قندهار، مزارشریف، بلخ و کابل هم موزخانه توزه‌تیلگن.»
ایتیش کیره‌ک که، افغانستان ده ستندرد و بویوک موزخانهلر یوقلیگی، سوداگرلر و ایکینچیلر نینگ میوه‌لر و باشقه ایکینیچی‌لیک محصول‌لری نی ارزان بها بیلن تشقی گه صادر قیلیب و اوندن سونگ یوقاری بها بیلن توارلر نی وارد قیلیش‌‌‌لری گه سبب بولگن.
