لغمان محلی مسوول‌لری نینگ ایتیش‌لریچه، اوتگن کیچه و بوگون “شنبه” ایرته‌دن چاغیده کابل-جلال‌آباد قتناو یولیده یوز بیرگن ایکی ترافیکی حادثه‌ده ۲۰ کیشی هلاک و باشقه ۱۸ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
لغمان حاکمی سوزلاوچیسی اسدالله دولت‌زی نینگ سلام‌وطندارگه ایتیشیچه، اوتگن کیچه اوشبو ولایت نینگ «نارنج باغ» منطقه‌سیده یوز بیرگن بیرینچی ترافیکی حادثه‌ده کاستر بیر موتر سراچه موتر بیلن توقنشگن و نتیجه‌ده ۸ کیشی هلاک و باشقه ۱۰ کیشی یره‌لنگن.
لغمان حاکمی سوزلاوچیسی نینگ کوپهیتیریشیچه، شونینگدیک، بوگون “شنبه” ایرته‌دن چاغیده کابل-جلال‌آباد قتناو یولی نینگ «عزیزخان کڅ» منطقه‌سیده یوز بیرگن ترافیکی حادثه‌ده ۱۲ کیشی هلاک و باشقه ۸ کیشی یره‌لنگن.
لغمان حاکمی سوزلاوچیسی گه کوره، قربان بولگن‌لردن بیرقطارینی عیال‌لر و باله‌لر تشکیل بیره‌دی.
اسدالله دولت‌زی نینگ ایتیشیچه، بو واقعه‌ده یرهلنگنلردن بیرقطاری لغمان ولایتی کسلخانه‌سی و باشقه بیرقطاری ایسه ننگرهار حوزه‌یی کسلخانه‌سیگه انتقال بیریلگن.
بیزلرنینگ فیسبوک صحیفه‌میزگه باش اورینگ!
عین‌حالده، لغمان ولایتی بوییچه ساغلیق‌نی سقلش ریاستی باشلیغی عبدالمعروف جلیلی نینگ سلام‌وطندارگه ایتیشیچه، بو واقعه‌ده هلاک ایتیلگن‌لر و یرهلنگنلردن بیرقطاری ولایتی کسلخانه‌گه انتقال بیریلگن، لیکن بیللی رقم قولگه یوق.
لغمان محلی مسوول‌لری نینگ ایتیش‌لریچه، هیداووچی‌لرنینگ دقت‌سیزلیگی باعث، بو واقعه یوز بیرگن.
