هییت بیرمی ییتیب کیلیشی بیلن کابل شهریده ایرکک‌لر نینگ کییم-کیچک‌لرینی تیکه‌دیگن تیکووچیلرلردن قطاری نینگ ایتیشلریچه، بیر آی آلدین گه قره‌گنده بویورتمه‌لری میزانی ۷۰ فایز کوپه‌یگن.
کابل شهری نینگ بهارستان منطقه‌سیده ۲۰ ییل‌دن بیری تیکووچیلیک ایش‌خانه‌سی بولگن جمال‌الدین نینگ ایتیشیچه، سونگی کون‌لر بویورتمه‌لری کوپه‌یگنی سبب، یریم کیچه‌‌گچه کییم-کیچک تیکه‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «هییت بیرمی ییتیب کیلیشی اوچون، ایش‌لریمیز یخشی بولگن. کونده ۴۰-۵۰ جوره کییم بویورتمه‌سی نی آله‌میز و تیار قیلهمیز.»
کابل شهری‌ده‌گی تیکووچیلردن باشقه بیری گل افضل، سونگی هفته‌لرده ایشی یخشی بولگنی‌دن خورسند‌لیک قیلیب ایتیشیچه، او و ایش‌داشلری کونده ۱۴-۲۰ جوره کییم تیکه‌دیلر.
افضل گه کوره: «آلدینگی کون‌لر گه قره‌گنده ایش‌لریمیز یخشی بولگن و هییت بیرمی یقین کون‌لریده، کونده ۱۴-۲۰ جوره کییم تیار قیلهمیز.»
هییت بیرمی اوچون ینگی کییم-کیچک تیارلش، یشاوچیلر نینگ ایسکی عنعنه‌لریدن بولیب و هر عایله مالی امکانیتی گه قدر، عایله اعضالری اوچون ینگی کییم تیارلش گه سعی‌وحرکت قیله‌دی.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، کابل شهری یشاوچیلریدن میرویس نینگ ایتیشیچه: «بولگن عنعنه‌لر اوچون اوزیمیز گه ینگی کییم تیارلش خصوصیده تلاش قیلهمیز.»
شونینگدیک اوشبو شهر یشاوچیلریدن باشقه بیری فضل‌الرحمان نینگ ایتیشیچه، کیله‌سی هییت بیرمی اوچون اوزی و ایناغه‌سی گه ینگی کییم تیار قیلگن.
کابل شهریده تکه ساتووچیلر و تیکووچیلر بیرلشمه‌سی نینگ معلوماتی اساسیده، تیکووچیلیک ایش‌خانه‌لر ایشی رونق تاپگنی بیلن بیرگه، اوشبو شهر‌ده تکه ساتووچیلر بازاری هم رونق تاپگن.
