مملکت پایتختی کابل شهری گل‌سرخ تورت یولی «تجوا» کمپی ده قشاق و کمغبل عایله‌لردن قطاری، ایشیک و کیلکین‌سیز اتاق‌لرده حیات کیچیریب کیلماقده.
اولردن بیرقطاری نینگ، یشش اتاق‌لریده توشش اوچون حتا فرش‌لری یوق و نم ییرده تیریکچیلیک قیلیشه‌دی. مذکور عایله‌لر نینگ باله‌لرینی مناسب کییم_کیچک‌لری یوق و اتاق و تشقری ده یلنگ (برهنه) ایاغ بیلن یوره‌دیلر.
بیزلرنینگ فیسبوک صحیفه‌میزگه باش اورینگ!
اوشبو کمپ ده‌گی کیشی‌لردن هفته‌گل محمدی، حیات لریده‌گی قیینچیلیک‌لردن نالیب ایتیشیچه: «برچه ساحه‌لرده قیینچیلیگیمیز بار، اوی یوق، ترپال یوق، اوی نینگ تامی دن سوو آقه‌دی، باله‌لریمیز کوپ قیینچیلیک بیلن روپه‌ره دیر، بیرینی کرتی‌سی یوق، بیرینی بوتی یوق، آلتی فرزندیم بار بیری ناگران دیر، بیرینی نه بوتی بار و نه باشقه نرسه‌سی، یامغیر و قار یاغسه یاقیلغی ماده‌میز هم یوق دیر.»
هفته‌گل نینگ آنه‌سی ظریفه، نم‌لی اتاقی گه اشاره قیلیب ایتیشیچه: «ییگولیک آوقات یوق، بیر وقت تاپسک ایکی وقت آچ قاله‌میز، هیچ نرسه‌میز یوق؛ بو بیزنی حیاتیمیز، یشش اویی‌میزنی تامی یوق یامغیر سووی تامه‌دی. یشش اویی‌میز ده پلاستیکی فرش توشب تیریکچیلیک قیلماقده‌میز، نان یوق خلاصه هیچ نرسه‌میز یوق.»
شونینگدیک، مذکور کمپ ده ۱۲ یاشر قادر گه کوره: «بوت و کییم_کیچگی‌میز یوق، هیچ نرسه‌میز یوق، ییرده‌ی نانی‌میز یوق، کراچی هیده‌ی میز آخشم گچه اون افغانی ایشله‌یمیز.»
اوشبو کمپ ده یشه‌یدیگنلردن باشقه ۸ یاشر زرین‌گل نینگ ایتیشیچه: «نان و سووی‌میز یوق، یشش اوچون اوی‌میز یوق، چیقیندیلرنی ییغه‌میز، چپلق و بوتی‌میز یوق.»
عین‌حالده، بیرلشگن ملت‌لر تشکیلاتی نینگ انسان پرورلیک یاردم‌لرینی هماهنگ قیلووچی دفتری (اوچا) گه کوره، افغانستان نینگ ۱۸ فایز فقرالری بوتکول ضرر کورگن جای‌لر و ۵۶ فایزی یریم زیان کورگن جای‌لرده یشه‌یدیلر، باش پنه و یاقیلغی ماده گه جدی نیازمندلر.
بیزلرنینگ توییترده هم تعقیب قیلینگ!
اقتصاد وزیرلیگی سوزلاوچیسی عبدالرحمان حبیب نینگ ایتیشیچه، اوشبو وزیرلیک اولکه یشاوچیلری نینگ تیریکچیلیک احوال‌لری یخشی‌لنیشی اوچون سعی‌وحرکت قیلماقده.
عین‌حالده، اوتگن کون بیرلشگن ملت‌لر تشکیلاتی، آچرچیلیک دن زیان کورگن مملکت‌لر گه که افغانستان اوشبو مملکت‌لر ارا شامل دیر ۲۵۰ میلیون دالر اختصاص بیرگن.
