رمضان هییت بیرمی عرفه‌سیده، کابل شهری ده‌گی خیاط‌لردن بیرقطاری نینگ ایتیشلریچه، اوتگن بیر آی ده بویورتمه‌لری ۸۰ فایز کوپه‌یگن. کابل شهری «بهارستان» منطقه‌سیده ۲۰ ییل دن بویان خیاط‌لیک قیلیب کیلگن عنایت‌الله نینگ ایتیشیچه، اوشبو کون‌لر بویورتمه‌لری کوپه‌یب و هر کونی قریب ۱۰ جوره کییم تیکیب تیارله‌یدی.
اونگه کوره: «حاضر احوال یخشی دیر الله دن راضی‌میز، اوتگن ییل گه نسبتن ایش یخشی بولگن، ایشلاوچیلریمیز سانی هم کمه‌یگن یوق، کیله‌جک‌لر گه ایش یخشی بولیشی گه امید بیلدیره‌میز.»
کابل شهری قلعه‌ی فتح‌الله «مدینه‌بازار» ده خیاط‌لیگی بولگن محمدرضا گه کوره، اوتگن بیر ییل ده محلی کییم_کیچک کییش اوچون یشاوچیلر نینگ علاقه‌سی کوپه‌یشی سبب ایشلری یخشی بولیب و اوشبو کون‌لر بویورتمه‌لری هم کوپه‌یگن.
بیزلرنینگ فیسبوک صحیفه‌میزگه باش اورینگ!
اون شاگردی بیلن کییم‌کیچک تیکیش گه مصروف محمدرضا نینگ ایتیشیچه: «حاضر ۵۰ فایز ایش یخشی دیر، اوتگن ییل گه نسبتن ایش یخشی بولگن، ۱۰ و ۱۵ فایز پتلون تیکیش بویورتمه‌لری کمه‌یگن.»
کابل شهری ده خیاط‌لردن باشقه بیری احمدخالد گه کوره، رمضان هییت بیرمی ییتیب کیلیشی بیلن بویورتمه‌لری کوپه‌یب و کیچه کیچ قورونگچه ایشله‌یدی.
خیاط‌لیک نی آته‌سی دن اورگنگن احمدخالد نینگ ایتیشیچه: «هییت بیرمی اوچون ایش یخشی دیر، اوتمیش‌لرده اصلا ایش یوق ایدی، بیر ایشخانه‌میز بیر کون ده ایکی یا ده اوچ جوره کییم تیکیب تیارلر ایدی حاضر یخشی دیر، لیکن حاضر قیمت‌چیلیک و یشاوچیلر نینگ اقتصادی ضعیف دیر.»
عین‌حالده، کابل شهری ده تکه‌ساتووچیلردن قطاری، اوشبو کون‌لر سودالری سیزیلرلی درجه ده آشگنینی معلوم قیله‌دیلر.
بیزلرنینگ توییترده هم تعقیب قیلینگ!
کابل شهری «کارته‌ی پروان» منطقه‌سیده تکه‌ساتووچیلیک قیله‌دیگن مزمل گه کوره، رمضان هییت بیرمی ییتیب کیلیشی بیلن سوداسی یخشی بولگن.
او نینگ کوپه‌یتیریشیچه: «هییت بیرمی ییتیب کیلیشی بیلن برچه یشاوچیلر ینگی کییم تیارلش گه علاقه کورسته‌دیلر، شونی اوچون اوتمیش گه نسبتن سودا ۴۰ فایز یخشی بولگن، عادی کون‌لرده ۷ جوره کییم‌گچه سودا قیله‌میز، اوتمیش گه قره‌گنده تکه قیمتی پس توشگن.»
اوتگن بیر یریم ییل ده، اولکه یشاوچیلری نینگ کییم_کیچگی اوزگریلیشی بیلن محلی کییم_کیچک تیکووچی خیاط‌لر نینگ ایشی یخشی بولگن؛ قطار خیاط‌لر، اوتگن بیر ییل ده بویورتمه‌لری کوپه‌یگنینی ایته‌دیلر.
