پروان ده گل ساتووچیلردن قطاری، اوشبو ولایتده گل بازاری یوق‌لیگیدن شکایت قیلماقده‌لر. اولر نینگ ایتیشلریچه، اسلام امیرلیگی حاکمیت گه ایریشگچ، پروان ده گل سوداسی پس توشیب و گل ساتووچیلر ایسه، یریم مجازلرینی (مشتری) قولدن بیریشگن.
پروان ولایتی بگرام تومنی یشاوچیسی فیصل، ۴۰ ییل عمرینی گل‌لرنی تربیه‌لش ایشلری بوییچه صرفله‌گن ایتیشیچه، اسلام امیرلیگی قدرت نی آلیشیدن بویان گل‌خانه سیده تربیه لگن گل‌لری نینگ سوداسی، تخمیناْ ۴۰ فایز پس توشگن.
بیزلرنینگ فیسبوک صحیفه‌میزگه باش اورینگ!
جناب فیصل، ییل‌لردن بویان گل ساتووچیلیک بیلن حیات کیچیریب کیلماقده، گل بازاری نینگ حاضرگی احوالی دن نالیب ایتیشیچه: «کابل شهرنو گل‌فروش‌لیک کوچه‌سیده گل‌لریمیزنی ساتر ایدیک؛ عاشق‌لر کونی، آنه‌لر کونی مناسبتی و شونینگدیک کیلین موترلریده تازه گل‌لردن قوندیریلردی. اسلام امیرلیگی حاکمیت نی آلگنیدن بویان، گل‌لریمیز ساتیلمه‌یپتی.»
کابل شمالی ده جایلشگن پروان ده، انچه ییل‌لردن بویان گل تربیه‌لنه‌دی؛ لیکن جمهوریت توزومی قولشی بیلن، گل بازاری هم سابق رونقینی قولدن بیرگن.
پروان ده گل ساتووچیلردن عبدالقاهر رباطی گه کوره، اوشبو ولایتده سونگی ایکی ییل ایچیده گل تولیدی انچه یخشی بولگندی و پروان ده تورلی خیل گل‌لر تربیه‌لنر ایدی؛ بیراق تأسف بیلن گل سوداسی پس توشگن. «افغانستانده‌گی اوزگریش دن کیین، گل نرخی تخمیناً ۴۰ فایز و سوداسی ایسه ۵۰ فایز پس توشگن.»
بیزلرنینگ توییترده هم تعقیب قیلینگ!
پروان ایکینچیلیک و چاروه‌چیلیک باشلیغی محمدرحیم نعمانی، گل بازاری یوق‌لیگینی تصدیقلب ایتیشیچه، مذکور ولایت نینگ مرکزی بگرام تومنیده قریب ۴۰۰ کیشی گل تربیه‌لش ایشلری بیلن مصروف دیر.
جناب نعمانی، رسمی و نارسمی احتفال‌لر تشکیل ایتیلمسلیگی و زمانه‌وی صناعت تنزلی‌نی، پروان ده گل سوداسی پس توشیش عاملی عنوان قیله‌دی.
یشش اوی ده گل بارلیگی، اوی فضاسینی گوزل‌لشتیریش گه قوشیمچه، ییترلیچه افسرده‌لیکنی کمه‌یتیریب و یخشی تویغولر گه سبب بولیشی ممکن.
