کابل نینگ شمال تامانیده جایلشگن پروان ولایتی، تاغلی و زراعتی ولایت‌لردن بولیب و اوشبو ولایت یشاوچیلریدن کوپینچه‌سی ایکینچیلیک و چاروه‌چیلیک یولی آرقه‌لی حیات خره‌جتلری نی تأمین قیله‌دیلر. پروان یشاوچیلریدن قطاری نینگ سلام‌وطندار گه ایتیشلریچه، اوزلری و قرین‌داشلری «تاوان یاریلیش» کسل‌لیگی گه چلینیب و بوتوغریده خواطرلنگنلر. اولر نینگ کوپه‌یتیریشلریچه، حاضرگچه بو کسللیک نینگ دوالنیشی خصوصیده فایده‌لی بیر یول نی تاپه آلمه‌گنلر.
پروان ده‌گی ایکینچیلردن بیری عبدالخبیر نینگ ایتیشیچه، نه فقط اوزی؛ بلکیم حیات کیچیره‌دیگن قیشلاق یشاوچیلریدن برچه‌سی اوشبو کسل‌لیککه چلینگن. اونگه کوره، مذکور کسللیک نینگ درمان قیلینیشی اوچون دستلبکی و خانه‌گی اصول‌لردن قوللنگنلر، بیراق اونچه‌لیک فایده‌لی بولمه‌گن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «مسجد گه باریب کورینگ که برچه نینگ تاوانی یاریلگن. کیچه باریب وازلین، گریس و یاغ سورته‌میز، اون ته جوراب کیه‌میز، حتی بیر کیشی نی کوردیم که پلاستیک نی کویدیریب و تاوانی نینگ یاریغی گه سورته‌ر ایدی، بیراق ینه هم توزه‌لمه‌یدی. تیکه‌دیلر و مینگ رقم ایش قیلدیلر، لیکن هیچ فایده قیلمه‌دی. یالغیز دهقان ایرکک‌لر ایمس؛ بلکیم عیال‌لر هم بو کسل‌لیککه چلینگنلر؛ لیکن حاضرگچه هیچ کیم حل یول کورستمه‌گن.»
شونینگدیک اوشبو کسل‌لیککه چلینگنلردن باشقه بیری پروان یشاوچیسی بولمیش نورالدین، شفاکارلردن اوشبو کسللیک درمان‌لنیشی اوچون حل یول کورسه‌تیشلری نی ایسته‌یدی. «بو کسللیک اوچون حل یول کورسته‌تیشلری نی ایسته‌یمیز. چاروه‌چیلیک و ایکینچیلیک بیلن شغللنگن کیشی‌لر آره‌سیده ییگیت‌لر، باله‌لر و برچه کیشی بار.»
یقین‌داشلری «تاوان یاریلیش» کسل‌لیگی گه چلینگن پروان یشاوچیلریدن بیری مرشد نینگ ایتیشیچه، مذکور کسللیک ارثی دیر و کسل‌لر نینگ کسل‌خانه گه مراجعت قیلمه‌سلیگی، بو کسللیک نینگ کوپه‌یشی گه سبب بولگن.
اونینگ کوپه‌یتیریشیچه: «بو کسللیک یالغیز ایرکک‌لر و ایشچیلر آره‌سیده ایمس؛ بلکیم شهرده حیات کیچیره‌دیگن بیر قطار دوست‌لریم هم پاشنه یاریلیش کسل‌لیگی گه چلینگن. فکرمچه بو کسللیک ارثی دیر، بو کبی کسل‌لیککه چلینگن کیشی‌لر اوشبو بولیک متخصصی یانیگه باریشلری کیره‌ک. باشقه بیر تامان‌دن اهالی نینگ معلومات سطحی آز دیر.»
بیزلرنینگ فیسبوک صحیفه‌میزگه باش اورینگ!
بولر گه علاوه، جلدی بولیمی شفاکاری محمدآصف احمدی نینگ ایتیشیچه، اهالی نینگ خواطرلنمسلیگی کیره‌ک؛ چونکه بو کسللیک نینگ درمان بولیشی ممکن. او اهالی‌دن مذکور جلدی کسل‌لیککه چلینمسلیکلری اوچون نظافت نی رعایت قیلیب و بو کسل‌لیککه چلینگنلری صورت‌ده، شفاکار گه مراجعت قیلیشلری نی ایسته‌گن.
ایتیش کیره‌ک که، نظافت نی رعایت قیلمسلیک، اهالی آره‌سیده کسل‌لیکلر ترقه‌لیشی جمله‌دن جلدی کسللیک ترقه‌لیشی گه سبب بوله‌دی.
