کابل ده سرکلر یانیده ساتیلهدیگن آوقتلر توغریسیده ساغلیقنی سقلش خواطر کوپهیگنی بیلن بیرگه، بیراق اولرنینگ ارزانلیگی و آز وقت آلیشی سبب یشاوچیلر اینیقسه طلبهلر و ایشلاوچیلردن قطاری آرهسیده صرفلنیشی آشگن.
کابل ده سرکلر یانیده آوقت ساتهدیگنلرنینگ ایتیشلریچه، سونگی ییللرده بو تورلی آوقتلر اوچون ایستهکلر کوپهیگن. کابلنینگ عمومی سرکلریدن بیریده برنج، برگر و بولاتی ساتهدیگنلردن بیری طارقنینگ ایتیشیچه، مشتریلریدن کوپینچهسی آز قیمتی اوچون مذکور آوقتلردن ساتیب آلهدیلر. «قیزیققنیم سبب سرک یانیده نرسه پیشیریب ساتیشگه باشلهدیم. مشتریلریم اوقووچیلر و هیداوچیلر دیر.»
شونینگدیک کابل شهری ۱۱-ناحیهسیده فلال و برگر ساتهدیگن احمدولیدخاننینگ ایتیشیچه: «قریب بیر یریم ییلدن بیری سرک یانیده آوقت ساتیش ایشی بیلن شغللنگنمین. اهالینینگ ضعیف اقتصادی سبب ۱۰ افغانی و ۲۰ افغانیگه ساتهمن. ایشیمدن راضیمین و انه شوو سول آرقهلی صرف-خرهجتنی تامین قیلهمن. بعضا ۶۰۰ افغانی و بعضا ایسه بیر مینگ افغانی درآمدیم بار.»
شوندهی بیرحالده، کابل شهری یشاوچیلریدن قطارینینگ ایتیشلریچه، وقت آزلیگی و کوندهلیک ایشلر سبب سرک یانیده ساتیلهدیگن آوقتلردن فایدهلنیشگه یوز کیلتیرگنلر.
کابل شهری اوچینچی ناحیه یشاوچیلریدن فرهاد سعیدینینگ ایتیشیچه: «کوپینچه وقتیم یوق، قیمتی آز دیر و بیر هفته جریانیده بیش مرتهدن کوپراق اوشبو سرک یانیده ساتیلهدیگن آوقتلردن فایدهلنهمن.»
شونینگدیک ۱۱-ناحیه یشاوچیسی بولمیش شاهمحمد، کوپینچه پیت ایش ییری و بیلیم یورتده بولگنی اوچون هر کونی سرک یانیده ساتیلهدیگن آزیق-آوقتلردن فایدهلنیشینی بیان قیلهدی.
شوندهی بیرحالده، یشاوچیلردن قطاری اوشبو آزیق-آوقتلرنینگ تازهلیگی وضعیتیگه نسبت خواطر بیلدیرهدیلر. کابل شهری ۱۳-ناحیه یشاوچیلریدن علی مبارزنینگ ایتیشیچه، سرک یانیده ساتیلهدیگن آزیق-آوقتلر تازهلیک نقطهی نظریدن ایشانچلی بولمهی و حتا اونینگ بیر مرته کسل بولیشیگه سبب بولگن.
شونینگدیک کابل شهری ۱۱-ناحیه یشاوچیلریدن سحر مرادینینگ ایتیشیچه: «سرک یانیده ساتیلهدیگن آزیق-آوقتلردن فایدهلنمهیمن. عایله اعضالریمیزدن بیری مذکور آوقتلردن فایدهلهنیب و جدی شکلده کسل بولدی.»
شوندهی بیرحالده، عمومی داخله متخصصی عبدالوکیل عمادنینگ آگاهلنتیریشیچه، آوقتنینگ ناتوغری شکلده سقلهنیشی جدی شکلده ساغلیق خوفلرنی یرهتیشی ممکن. «بو کبی آوقتلر ناتوغری شکلده سقلنهدی، اینیقسه ایسیق هوا ده میکروبلر رشد قیلیشیگه امکانیت یرهتهدی. افلاسلنگن محیطده و محافظتی قپاغی بولمسدن تورلی میکروبلر آوقت ایچیگه کیرهدی و محرقه، ایچ کیتمه و تورلیخیل یوقمه کسللیکلر جملهدن هپاتیت ای و دهیدریشن سبب بولهدی.»
ساغلیقنی سقلش وزیرلیگی سوزلاوچیسی شرافتزمان امرخیل، ساغلیق نظارتلرینینگ دوام قیلیشینی بیان قیلیب و ایتیشیچه: «ساحهای فعالیتلر جریانیده، ساغلیق موضوعلر توغریسیده هم توجه قیلماقدهمیز. تیگیشلی ریاستلر بیلن هماهنگلیکده بولیب و ساغلیق قیینچیلیکلر آلدی آلینیشی اوچون کیرهکلی اقداملر بجریلیشی توغریسیده سعیوحرکت قیلهمیز.»
ساغلیقنی سقلش خواطرلری بولگنی بیلن، کابل ده سرکلر یانیده آزیق-آوقت ساتیلیشی همان قشاقلیک، قیمتچیلیک و وقت آزلیگی سبب، یشاوچیلردن کوپینچهسی اوچون اصلی گزینهلردن بیری کبی بولیب قالگن.
