کابل یشاوچیلریدن بیرقطاری، سلام‌وطندار بیلن اوتکزگن صحبت‌لریده ایتیشلریچه، یاش‌لر نینگ وقت دن آلدین ساچ‌لری آقریش قیینچیلیگی کوپه‌یگن. اولر نینگ ایشانچی گه کوره، بوگونگی تیریکچیلیک و یشاوچیلر آره‌سیده‌گی بویوک رقابت‌لر، یاش‌لر نینگ روحی اوستیده‌گی باسیم همده ییگولیک ماده‌لر صفت‌سیزلیگی، یاش‌لر نینگ تیز قریشی و وقت دن آلدین ساچ‌لری آقریشی گه سبب بولگن.
کابل یشاوچیلریدن بیری گه کوره: «مین تخمیناً ۸۰ یاشر من، سابق زمان‌لر یاش‌لر نینگ ساچ‌لری آقرمس ایدی؛ لیکن حاضرگی شرایط ده بو قیینچیلیک کوپه‌یگن. قیینچیلیک‌لر باعث بو معما کوپه‌لگن دیب اویله‌ی من، حاضرگی زمان ده یاش‌لر جوده هم ضعیف دیر؛ چونکه قووتلی آوقت ییمه‌یدیلر تاثیری کوپ، سابق زمان‌لر یشاوچیلر حیوانی یاغ استعمال قیلیب و کوچلی ایدیلر و حتا کسل هم بولیشمسدی و ساچ‌لری اصلا آقرمس ایدی.»
وقت دن آلدین ساچ‌لری آقرگن یاش‌لردن بیرقطاری، ارثی و روحی باسیم‌لرنی ساچ‌لری آقریش عامللریدن دیب بیله‌دیلر. سلام‌وطندار اوشبو گزارش ده ۱۲ کیشی بیلن صحبت قیلگن اولر ارا، سکیز کیشی ارثی و باشقه تورت کیشی روحی باسیم نی ساچ‌لری آقریش سببی عنوان قیله‌دیلر.
کابل یشاوچیسی ۱۹ یاشر مصطفا نینگ ایتیشیچه، ۱۶ یاشرلیگیده ساچ‌لری آقریش گه باشله‌گن. او نینگ کوپه‌یتیریشیچه، ارثی طفیلی یاش‌لیگیده ساچ‌لری آقرگن؛ چونکه آته و باباسی نینگ ساچ‌لری یاش‌لیگیده آقرگن. مصطفا گه کوره: «۱۶ یاشرلیکدن کیین ساچ‌لریم آقریش گه باشله‌دی و ساچیم آقریش سببی ارثی دیر؛ چونکه عایله‌میز ده آته‌م و بابام نینگ ساچ‌لری یاش‌لیک‌لریده آقرگن.»
بیزلرنینگ فیسبوک صحیفه‌میزگه باش اورینگ!
بونگه قوشیمچه، ۱۵ یاشر زعیم گه کوره، ساچ آقریشی ارثی دیر و ییتتی یاشرلیگیده ساچی آقریش گه باشله‌گن. زعیم نینگ کوپه‌یتیریشیچه: «آتیم زعیم، ۱۵ یاشر من. ییتتی یاشرلیکده ساچیم آقریش گه باشله‌دی و سببی هم ارثی دیر بابام دن بیز گه ارث قالگن، جگرخون‌لیک و اضطراب دن ایمس.»
کابل یشاوچیلریدن باشقه بیر قطاری نینگ ایتیشلریچه، روحی کسل‌لیک و اضطراب باعث کیچیک یاشرلیک ده ساچ‌لری آقریش گه سبب بولگن؛ عین‌حالده عایله اعضالریدن هیچ بیری کیچیک یاشرلیگیده بو کبی قیینچیلیگی بولمه‌گن. اولر گه کوره، شفاکارلر هم ساچ‌لری آقریشنی روحی باسیم و اضطراب دیب ایتگن.
کابل یشاوچیسی ۱۷ یاشر مدینه گه کوره: «آتیم مدینه دیر، ۱۷ یاشر من، ۱۲ یاشرلیگیمده ساچیم آقریش گه باشله‌دی، عایله اعضالریمیزدن هیچ بیری نینگ ساچی آقرگن یوق. شفاکار گه مراجعت قیلدیم، جگرخون‌لیک سبب ساچیم آقرگنینی ایتدی.»
کابل یشاوچیلریدن باشقه بیری ۲۰ یاشر عفت نینگ ایتیشیچه: «۲۰ یاشر من، ۱۲ یاشرلیگیمده ساچیم آقریش گه باشله‌دی، عایله اعضالریمیزدن هیچ بیری نینگ ساچی آقرگن یوق؛ یعنی ارثی ایمس. سببی روحی قیینچیلیک و استرس دیر. شفاکار گه مراجعت قیلدیم، ساچ آقریش سببینی روحی قیینچیلیک دیب ایتدی.»
باشقه تاماندن، تنه و گوزه‌للیک شفاکارلر و روان‌شناس‌لر نینگ ایتیشلریچه، یاش‌لر نینگ وقت دن آلدین ساچ‌لری آقریشی حاضرگچه هیچ بیر اداره تامانیدن تیکشیریلمه‌گن؛ شونی اوچون قنچه یاش‌لر بو قیینچیلیک بیلن روپه‌ره‌لیگینی تخمین قیلیش ممکن‌سیز دیر. تنه و گوزه‌للیک شفاکارلردن بیرقطاری گه کوره، ۲۰ یاشنی تولدیرمه‌گن یاش‌لر نینگ ساچ‌لری آقریشی غیر طبیعی معما بولیب و دوالش ممکن‌سیز دیر؛ بیراق ویتامین و پروتین استعمال قیلیش بیلن آلدینی آلیش ممکن.
تنه و گوزه‌للیک کسل‌لر متخصصی محمدقاسم جلال نینگ ایتیشیچه: «۲۰ یاشنی تولدیرمه‌گن یاش‌لر نینگ ساچ‌لری آقریشی غیر طبیعی دیر، بیرینچیدن باله‌لر عایله اعضالریدن ارث گه آله‌دی. بیراق ارث نینگ ساچ آقریش گه رولی بولمسه، ایکینچی عامل روحی قیینچیلیک و اضطراب همده بعضی ویتامین‌لر نینگ کمچیلیگی بولیشی ممکن.»
بیزلرنینگ «ایکس» ترماغی ده هم تعقیب قیلینگ!
شونینگدیک، روان‌شناس و کابل شهری بیلیم یورت‌لریدن بیری نینگ اوقیتووچیسی سیدعصمت هاشمی نینگ ایشانچی گه کوره، اضطراب و روحی قیینچیلیک، وقت دن آلدین ساچ آقریش یگانه عاملی دیر.
او نینگ کوپه‌یتیریشیچه: «ساچ توکیلیشی یا که وقت دن آلدین آقریش عاملی، تنه ده هورمون تستوسترون فعالیتی کمه‌یگن حالده استه-سیکین ساچ‌لر نینگ فعالیتی کمه‌یش گه باشله‌یدی. روحی قیینچیلیک نینگ باشقه دلیل‌لری بولیشی ممکن. بیرینچی دلیل حد دن آرتیق استرس و اضطراب دیر، هر مسئله باره‌سیده کوپ تشویش قیله‌دیگنلر نینگ ساچی وقت دن آلدین آقریب و حتا ساچی توکیلیشی گه سبب بوله‌دی.»
شو بیلن بیرگه، ساغلیق‌نی سقلش وزیرلیگی مسئوللری گه کوره، بو کسل‌لیک قنده‌ی‌لیگی خصوصیده اوشبو وزیرلیک ده حاضرگچه هیچ مورد ثبت بولمه‌گن.
ایتیش کیره‌ک، یخشی آوقت‌لنمسلیک، اویخی کمیتی و کیفیتی گه دقت‌سیزلیک، یشش محیط افلاس‌لنیشی، صفت‌سیز گوزه‌للیک و طبی اوسکونه‌لر دن فایده‌لنیش، روحی باسیم و ارثی قیینچیلیک، یاش‌لر نینگ وقت دن آلدین ساچ‌لری آقریش عامللریدن عبارت دیر.
