کابل شهریده سوو تنقیص‌لیک انقراضی بیلن بیرگه، اوشبو شهرده عایله‌لردن قطاری نینگ ایتیشلریچه، اوی‌لری گه ترقه‌تیلگن سوولر نینگ افلاسلنگنی سبب، تصفیه بولگن سوودن فایده‌لنیش گه مجبور بولگنلر.
کابل شهری «قلعه فتح‌الله» منطقه یشاوچیسی محمدشعیب و «خیرخانه» منطقه یشاوچیسی شهریار نینگ ایتیشلریچه، کونده تصفیه بولگن سوو ساتووچیلریدن اونلب لیتر ایچیملیک سوو ساتیب آله‌دیلر.
محمدشعیب نینگ ایتیشیچه: «قوروق‌چیلیک قیین‌چیلیگی دیر، سوو کم و اوی‌ده بار سوو هم پاک ایمس، ریگی بار، توپراغی بار. اقتصادی‌میز یخشی ایمس. سوو نینگ پاک بولگنی و بولمه‌گنی نی بیلمه‌یمیز. تصفیه بولگن سوو دیب قوللنه‌میز.»
بیزلرنینگ «ایکس» ترماغی ده هم تعقیب قیلینگ!
شونینگدیک شهریار نینگ ایتیشیچه: «تصفیه بولگن سوودن قوللنه‌میز؛ چونکه سوولر افلاسلنگن. عایله اعضامیز سانی گه قره‌ب سوو آله‌میز. نل‌ده سوو بار؛ بیراق پاک ایمس، افلاسلنگن. بیراز ایسی بار و یاغلیق.»
شونده‌ی بیرحالده، کابل ده تصفیه بولگن سوولر اتفاقی مسئوللری نینگ ایتیشلریچه، اهالی نینگ ایسته‌ک و نیازی گه قره‌گنده، اوتگن ایکی-اوچ ییل‌ده، کابل ده سوو تصفیه قیلووچی شرکت‌لر سانی کوپه‌یگن و کونده ۹۴۲ مینگ ۶۰۰ لیتر تصفیه بولگن سوو اوشبو شرکت‌لر آٰقه‌لی ساتیله‌دی.
کابل شهریده تصفیه بولگن سوولر اتفاقی اورین‌باسری محمدفهیم عطا نینگ ایتیشیچه، کابل شهری نینگ ۱۷ ناحیه‌سیده ۳۰۰ سوو تصفیه قیلووچی شرکت نینگ فعالیتی بار؛ بیراق سوو و برق وزیرلیگی تامانیدن مذکور شرکت‌لر فعالیتی اوچون بیللی مکانیزم یوقلیگی، شونینگدیک اوزباشیمچه‌لیک شکلده سوو تصفیه قیلووچی شرکت‌لر نینگ فعالیت قیلیش زمینه‌سی نی یره‌تگن.
اونینگ کوپه‌یتیریشیچه: «توپلم شکلده کابل ده ۳۰۰ سوو تصفیه قیلووچی شرکت یانیمیزده ثبت دیر. اوشبو شرکت‌لر اوچون سوو و برق وزیرلیگی آرقه‌لی بیر مکانیزم توزه‌تیلیشی خصوصیده قرار آلینگن ایدی، نورم و استندرد توزه‌ته‌میز دیگن ایدیک که هر ناحیه‌ده نیاز و جمعیت گه قره‌ب شو شرکت‌لر بولسین؛ بیراق حاضرگچه توزه‌تیلمه‌گن؛ اهالی ایسته‌گی کون اوتیشی بیلن کوپه‌یه‌دی، چونکه کابل سووی افلاسلنگن.»
باشقه بیر تامان‌دن، سوو تصفیه قیلووچی شرکت‌لردن قطاری نینگ مسئوللری و ساتووچیلری، ایشلری نینگ یخشی‌لنگنی‌دن خورسند‌لیک بیلدیرگنلر.
کابل شهریده سوو تصفیه قیلووچی شرکت‌لردن بیری نینگ رئیسی عبدالحمید احمدی نینگ سلام‌وطندار گه ایتیشیچه: «کونده ۱۰ مینگ لیتر سوو ساته‌میز، اهالی ایسته‌یدی؛ چونکه تصفیه بولگن سوو دیر، ایچیش و آزیق-آوقات اوچون قوللنه‌دیلر. نورم و استندرد اساسیده، قاعده‌میز بار. اوشبو سوو نینگ ۹۰ فایزی تصفیه بولگن.»
شونینگدیک کابل شهریده تصفیه بولگن سوو ساتووچیلریدن رحمت‌الله نینگ ایتیشیچه: «کونده اوچ تانکر سوو نی کلوله‌‌پشته، تایمنی، مدینه‌بازار و لیسه‌ی زرغونه ساحه‌لری گه ساته‌میز. کون اوتیشی بیلن اهالی نینگ تصفیه بولگن سوو آلیشی کوپه‌یه‌دی. کونده ۵-۱۰ بشکه سوو نی یالغیز هتل‌لر ساتیب آله‌دی. بو سوو قودوق‌لردن چیقریلیب و تصفیه بوله‌دی. اهالی سوو نینگ صاف دیب خورسند‌لر.»
بیزلرنینگ فیسبوک صحیفه‌میزگه باش اورینگ!
بیراق اطراف-محیط و سوو ساحه‌سی متخصصلری نینگ ایتیشلریچه، سوو تصفیه قیلووچیلر شرکت‌لر آرقه‌لی ییر آستی سوولر نینگ حد‌دن تشقری قوللنیلیشی، کیله‌جک‌ده کابل نینگ سوو کم‌لیک قیین‌چیلیگی گه روپهره بولیشی ممکن.
سوو مسئله‌لری بیلرمانی نجیب‌الله سدید نینگ ایتیشیچه: «ییل‌ده کابل ده ییر آستی سوولر سطحی بیر-بیر یریم متر پس توشه‌دی، کابل ده ییر آستی سوولر پایدار ایمس و اهالی کیله‌جک‌ده قیین‌چیلیک بیلن روپهره بولیشلری ممکن. ییر آستی سوولر اورنیده سطحی سوولر نینگ انتقال بیریلیشی خصوصیده ایشلنیشی کیره‌ک، سوو بیلانسی یخشی بولگن ییرلرده، سرمایه یاتقیزیلیشی کیره‌ک.»
سوو و برق وزیرلیگی کابل ده سوو تصفیه قیلووچی شرکت‌لردن قنده‌ی نظارت بولینیشی خصوصیده هیچ بیر فکر بیلدیرمه‌گن؛ بیراق ایتیشیچه، کابل شهریده ۲۲۵ سوو تصفیه قیلووچی شرکت، اوشبو وزیرلیک‌ده ثبت بولگن دیر.
