سونگی ییللردهگی کیتمه_کیت قوروقچیلیک و ییر آستی سوولری پس توشیشی باعث مملکت یشاوچیلری اینیقسه غور اهالیسی ایچیملیک سوو تنقیصلیگی بیلن روپهره بولیب و شور سوو دن فایدهلنیش گه مجبور بولگنلر. اولر دن بیرقطاری نینگ ایتیشلریچه، کوپ ییللردن بیری یشاوچیلر شور سوو و بولاقلر نینگ افلاسلنگن سوولری دن قوللنیب کیلماقدهلر.
غور یشاوچیلری گه کوره، شور و افلاسلنگن سوولردن فایدهلنیشلری باعث ایریم کسللیکلر گه چلینگنلر.
غور یشاوچیلری دن میراحمد نینگ ایتیشیچه: «یشاوچیلر بولاقلر نینگ افلاسلنگن سوولری دن فایدهلنهدیلر، هوتلدارلر هم شو سوو دن فایدهلنهدیلر، بو سوو تمیز ایمس و برچه کسل بولهدی.»
بیزلرنینگ فیسبوک صحیفهمیزگه باش اورینگ!
غور یشاوچیلری دن باشقه بیری رمضان گه کوره: «بو سوو افلاسلنگن برچه بوندن قوللنهدی، بیز هم شو سوو دن فایدهلنهمیز، کوپ سانده یشاوچیلر کسل بولیشگن، بوتوغریده دقت قیلینیشنی ایستهیمیز.»
ساغلیک ایش بیلرمانلری، سوو نی انسانلر اوچون حیاتی عنصر دیب ایتیشلریچه، شور و افلاسلنگن سوولر دن کوپ فایدهلنیش، انسانلر نینگ ایریم کسللیک اینیقسه بویرهک و مثانه گه تاش تاپیلیشی و دایمی ایچکیتمه کبی کسللیکلر گه چلینیش گه سبب بولهدی.
ساغلیک ایش بیلرمانی محمدعمر لعلزاده گه کوره: «افسوس بیلن بو ییردهگی سوولر ایچیملیک ایمس، قودوقلر چقور ایمس شونی اوچون سوولری افلاسلنهدی، بو میکروبلر یشاوچیلر نینگ کسل بولیشی گه سبب بولهدی»
بیزلرنینگ «ایکس» ترماغی ده هم تعقیب قیلینگ!
غور محلی مسئوللری، مذکور ولایت ده ایچیملیک سوو تنقیصلیگینی قبول قیلیب ایتیشلریچه، اولر نادولتی مؤسسهلر یاردمی بیلن اوشبو ولایت یشاوچیلری گه ایچیملیک سوو ییتکیزیب بیریش مقصدیده سعیوحرکت قیلماقدهلر.
غور قیشلاقلرنی رواجلنتیریش و قیته قوریش ریاستی نینگ مطبوعات مسئولی ذبیحالله غوثیزاده نینگ ایتیشیچه: «افسوس بیلن سونگی ییللردهگی کیتمه_کیت قوروقچیلیک، شهر و قیشلاق یشاوچیلری نی سوو تنقیصلیگی بیلن روپهره قیلگن، بیز حکومت و ایچکی مؤسسهلر نینگ یاردمی بیلن بو قیینچیلیک حلی و یشاوچیلر ایچیملیک سوو ییتکیزیب بیریش اوچون تلاش قیلهیپمیز.»
ساغلیک ایش بیلرمانلری و غور محلی مسئوللری، اوشبو ولایت یشاوچیلری دن ایریم کسللیککه چلینمسلیکلری اوچون سوونی قینهتیب و کیین ایسه قوللنیشلرینی سورهیدیلر.