کابل بلدیه‌سی مسئوللری اوشبو شهر یشاوچیلریدن، کونده‌لیک قوللنیله‌دیگن سوولر نینگ جذب بولیشی اوچون، جذبی قودوقلر قازیلیشی نی ایستهگنلر.
کابل بلدیه سوزلاوچیسی نعمت‌الله بارکزی نینگ ایتیشیچه، اوشبو قرار سطحی سوولر نینگ مدیریت بولیشی مقصد، قولگه آلینگن و کیله‌جکده جبری بولیشی ممکن. اونینگ کوپه‌یتیریشیچه: «کابل نینگ ییر آستی سوولر مسئله‌سی، جدی بیر مسئله دیر و انرژی و سوو وزیرلیگی هم بو موضوع نینگ نظر گه آلگن. قودوق قازه‌دیگن کیشی‌لر نینگ جذبی قودوق قازیشی کیره‌ک؛ شونینگدیک موتر یوویله‌دیگن ییرلرده تصفیه و جذب سیستم‌لر گه ایگه بولیشلری کیره‌ک.»
شونده‌ی بیرحالده، پایتخت نینگ غرب تامانی یشاوچیلریدن قطاری گه کوره، کابل بلدیه‌سی اولردن کونده قوللنیله‌دیگن سوولری نینگ جذب بولیشی اوچون، اوی‌لریده قودوق قازیشلری نی ایستهگنلر.
بیزلرنینگ «ایکس» ترماغی ده هم تعقیب قیلینگ!
کابل شهری دشت‌برچی نینگ تانک‌تیل منطقه یشاوچیسی عبدالمنان نینگ ایتیشیچه: «کونده قوللنیله‌دیگن سوولر نینگ ییر گه جذب بولیشی اوچون جذب قیله‌دیگن قودوق قازینگ که اهالی سوو کملیگیدن خلاص بولسین‌لر دیدیلر. ۱۰-۱۵ متر بولسین دیدیلر، حاضر جبری ایمس، بیراق توصیه قیلگنلر.»
دشت‌برچی نینگ «پل‌خشک» منطقه یشاوچیسی داوود، کابل بلدیه‌سی نینگ ایسته‌گیدن کیین، اویی‌ده قودوق قازگن دیر. اونینگ ایتیشیچه، بو ایجابی بیر آدیم دیر؛ چونکه اونگه کوره، قوللنیلگن سوولر قیته ییر گه جذب بوله‌دی.
داوود نینگ کوپه‌یتیریشیچه: «اوییم‌ده قودوق قازیب و اوستینی یاپدیم. قوللنیگن سوو نینگ قودوققه ییتیشیشی اوچون بیر یول قویدیم؛ بو ایجابی بیر آدیم دیر و مین بو ایش نی قیلدیم و سوو نینگ تشقی گه کیتیشی اورنیده، قیته ییر گه جذب بوله‌دی.»
بیزلرنینگ فیسبوک صحیفه‌میزگه باش اورینگ!
بولر گه علاوه، کابل بلدیه‌سی موتریوویچیلر، حمام‌لر، قالین یوویچیلر و تولیدی شرکت‌لر ایگه‌لریدن، قوللنیلگن سوولر نینگ قیته جذب بولیشی اوچون جذبی قودوقلر قازیلیشی نی ایسته‌گن.
کابل غربی‌ده موتر یوویچیلیگی بولگن ویس‌الله نینگ ایتیشیچه: «کیلیب قودوق نینگ نقشه‌سی نی بیردیلر. بو ضروری بیر ایش دیر که بلدیه تامانیدن ناحیه گه کیلیب و تطبیق قیله‌دیلر. اوچ ته قودوق قازدیک که قریب ۷۰ افغانی خره‌جت کوتاردی.»
عین حالده، سونگی ییل‌لر کیت‌مه-کیت قوروق‌چیلیک سبب، پایتخت ده ییر آستی سوولر سطحی کمه‌یب و بو ییل ایسه اوشبو شهر نینگ تورلی بولیم‌لری جدی شکلده سوو کم‌لیگی قیین‌چیلیگی بیلن روپه‌ره بولگن.
