قندهار محلی مسئوللری نینگ ایتیشلریچه، اوشبو ولایت نینگ ۱۰ تومنیده ۵۰ ته سوو قودوغی قازیله‌دی و اونگه علاوه، سوو ییتکیزیش ترماغ‌لری هم قوریله‌دی.
مذکور سوو قودوق‌لری قندهار ولایتی نینگ ریگستان، شورابک، سپین‌بولدک، شاه‌ولی کوت، خاکریز، نیش، میانشین، میوند، غورک و ارغستان تومن‌لریده قوریله‌دی.
بیزلرنینگ فیسبوک صحیفه‌میزگه باش اورینگ!
قندهار قیشلاق‌لرنی رواجلنتیریش و قیته قوریش باشلیغی عبدالجبار حکمت نینگ ایتیشیچه، اسلام امیرلیگی رهبری مذکور ولایت نینگ ۱۰ تومنی اهالیسی اوچون سوو قودوق‌لری قازیلیب و ایچیملیک سوو ییتکیزیش ترماغ‌لری قوریلیش بویروغینی بیرگن.
او نینگ کوپه‌یتیریشیچه: «اسلام امیرلیگی ییتکچیسی ۱۰ تومنده ۵۰ ته سوو قودوغی قازیلیش بویروغینی بیرگن. اوشبو قودوق‌لر ایچیملیک سوو دن فایده‌لنه آلمه‌یدیگن تومن‌لرده قازیله‌دی.»
شو بیلن بیرگه، قندهار قیشلاق‌لرنی رواجلنتیریش و قیته قوریش ریاستی همکارلیگی بیلن «هافا» مؤسسه‌سی، اوشبو ولایت نینگ دامان تومنیده ۱۰۰ عایله اوچون سوو ییتکیزیش بیر شبکه قورگن.
بیزلرنینگ توییترده هم تعقیب قیلینگ!
قندهار اقتصاد باشلیغی گه کوره، مذکور سوو ییتکیزیش شبکه سکیز میلیون افغانی گه تینگ ۱۰۰ مینگ دالر خره‌جت بیلن قوریلگن. «اوشبو پروژه دامان تومنی خوشاب قیشلاغیده قریب ۱۰۰ مینگ دالر عوضی گه قوریلگن و ایکی مینگ دن آرتیق کیشی اوندن فایده‌لنیش‌لری ممکن.»
ایتیش کیره‌ک که، بوندن آلدین قندهار ولایتی نینگ خاکریزگ، دند و ژیری تومن‌لریده سوو ییتکیزیش شبکه‌لری قوریلیب و بیر مینگ عایله ایچیملیک سوو بیلن تأمینلنگن.
