Asset 1SWN

سلام وطندار

قندهار ده پارتلش ماده جایلشتیریلگن تانک نینگ پارتله‌تیلگنی باعث، ۳ پولیس هلاک ایتیلگن

Kandhar-Sardar-madad-khan-chawk-oxt7npm7j8jjq0eopggy9zhyrsxzkfnca3o8ny1or8

قندهار ولایتی نینگ ارغستان تومنیده طالبان تامانیدن پارتلش ماده جایلشتیریلگن تانک نینگ پارتله‌تیلگنی نتیجه‌سیده، پولیس کوچلریدن ۳ ته‌سی هلاک و باشقه ۵ ته‌سی یره‌لنگن.

قندهار پولیس قومندانلیگی سوزلاوچیسی جمال‌ناصر بارکزی نینگ ایتیشیچه، اوشبو واقعه بوگون “شنبه” ایرته‌دن چاغیده، ارغستان تومنی نینگ «صوفیانزو» منطقه‌سیده جایلشگن پولیس پوسته‌لریدن بیریده یوز بیرگن.

اونینگ ایتیشیچه، بو پارتلشده پولیس کوچلریدن ۳ ته‌سی هلاک و باشقه ۵ ته‌سی یره‌لنگن.

طالبان گروهی حاضرگه‌قدر بوتوغریده فکر بیلدیرمه‌گن.

عین‌حالده، هرات پولیس قومندانلیگی سوزلاوچیسی عبدالاحد ولی‌زاده نینگ ایتیشیچه، اوشبو ولایتده یوز بیرگن بیر آتیشمه نتیجه‌سیده، گمرک قطعه‌سی نینگ ایکی عسکری و بیر تینچ اهالی هلاک ایتیلگن.
بو واقعه بوگون “شنبه‌” ایرته‌دن چاغیده کرولا موترگه بولگن قوراللی کیشی‌لرنینگ اسلام‌قلعه گمرکی عسکرلری اوستیگه اوق آتیش‌لری سبب یوز بیرگن.

هجومچی‌لر محلدن قاچیب کیتگن‌لر، بیراق اولرنی تانیب و قولگه آلیش اوچون سعی و حرکت‌لر باشلنگن.

بو واقعه مسوولیتی‌نی حاضرگه‌قدر هیچ‌بیر گروه بوینیگه آلمه‌گن.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام