پکتیا امنیتی مسوول‌لری نینگ ایتیش‌لریچه، اوشبو ولایتده پارتلش ماده یوک‌لنگن موترنینگ هجومی نتیجه‌سیده امنیتی کوچلردن ایکی ته‌سی هلاک ایتیلگن. اوشبو هجوم اوتگن کیچه ساعت ۱۱ اطرافیده روحانی بابای تومنی نینگ «نیک‌نام» منطقه‌سیده جایلشگن امنیتی پوسته اوستیگه اویوشتیریلگن.
پکتیا پولیس قومندانلیگی سوزلاوچیسی لطف‌الله کامران نینگ سلاموطندارگه ایتیشیچه، مذکور هجوم ده مردمی کوچلردن ۲ ته‌سی هلاک و باشقه ۲ ته‌سی یره‌لنگن.
کامران نینگ ایتیشیچه، هجوم دن سونگ، محل ده طالبان جنگری‌لری و امنیتی کوچلر آره‌سیده آتیشمه یوز بیرگن و طالبان جنگریلریدن بیرقطار هلاک و یره‌لنگن، بیراق بیللی ارقام قولگه یوق.
طالبان گروهی حاضرگه‌قدر بوتوغریده فکر بیلدیرمهگن.
