اسلام امیرلیگی کانلر و پترولیم وزیرلیگی عملدارلری، آمودریا حدودیده ۵ ینگی قودوقدن نفت قزیب آلیش جریانی باشلنگنیدن خبر بیردیلر.
اوشبو وزیرلیک سوزلاوچیسی همایون افغان، ۷ ثور/۲۷ اپریل، دوشنبه کونی ایکس صحیفهسیده ویدیو فایل ترقهتیب، ینگی قودوقلردن نفت قزیب آلیش جریانی باشلنگنی بیلن، کوندهلیک قیزیب آلیش مقداری آشگنینی معلوم قیلگن.
همایون افغان گه کوره، آمودریا نفت حدودیگه قرهشلی «زمردسای»ده بیش ینگی قودوقدن نفت قزیب آلیش جریانی باشلنگن، شونینگ اوچون کوندهلیک قزیب آلیش مقداری دییرلی ۵۰۰ متر مکعب گه ییتیشیشی ممکن.
آمو دریا نفت حوزهسی، افغانستاننینگ شمالی قسمیده سرپل، جوزجان و فاریاب ولایتلریده جایلشگن بولیب، او قشقری، زمردسای، انگوت، آق دریا و خواجه برهان کبی نفت و گاز کانلرینی اوز ایچیگه آلهدی.
