سلام‌وطندار نینگ تیکشیریشی اساسیده، مملکت نینگ سکیز ولایتی‌ده ۲۷ کیشی قودوققه توشگن که بو آره‌ده ایکی‌ته‌سی قوتقریلیب و ۲۵ ته‌سی ایسه هلاک بولگن.
سلام‌وطندار تامانیدن توپلنگن معلومات اساسیده، اوتگن سیکیز آیده هلمند ده ۱۲ باله، قندهار ده ۵ باله، ارزگان ده ۳ باله، غزنی ده ۲ باله ، فاریاب ده ۲ باله و زابل، هرات و پکتیکا ده بیر- بیر باله قودوققه توشگن که مذکور باله‌لردن یالغیز ایکی‌ته‌سی پکتیکا و هرات ولایت‌لریده قوتقریلگن.
بیزلرنینگ توییترده هم تعقیب قیلینگ!
زابل معلومات و مدنیت ریاست رئیسی رحمت‌الله حماد نیازی، مذکور واقعه‌لر سببی نی چقور قودوق‌لر نینگ کوپه‌یگنی و اهالی نینگ توجه‌سیزلیگی عنوان قیلگن.
۷ آی آلدین زابل ولایتی‌ده حیدر ناملی بیر باله قودوققه توشدی که اوشبو باله نینگ قوتقریلیشی خصوصیده کوپینچه سعی و حرکت بولگنی بیرحالده، مذکور باله هلاک بولدی.
شونده‌ی بیرحالده، هلمند و قندهار یشاوچیلری نینگ ایتیش‌لریچه، ایکین‌لری نینگ سووغاریش اوچون چقور قودوق قازه‌دیگن کیشی‌لر، قودوق‌لری نینگ اوستی نی یاپیش‌لری کیره‌ک.
شونینگدیک اولر اسلامی امارت‌دن بو توغریده‌گی بویروغ‌لری نینگ عمل گه آشیریش‌لری نی ایسته‌گنلر.
بیزلرنینگ فیسبوک صحیفه‌میزگه باش اورینگ!
ایچکی ایشلر وزیرلیگی نیچه مدت آلدین بیر اعلامیه آرقه‌لی مملکت بویلب قازیلگن چقور قودوق‌لر مالک‌لری گه قودوق‌لری نینگ اوستی نی یاپیش‌لری خصوصیده هشدار بیرگن ایدی، بیراق کورینیشیچه مذکور بویروغ عمل گه آشیریلمه‌گن.
ایتیش کیره‌ک که، اوتگن هفته‌ده هلمند نینگ نادعلی تومنی‌ده ایکی باله اَیری ایکی واقعه‌ده و شونینگدیک ۲۲ آگست ده غزنی ولایتی نینگ قره‌باغ تومنی‌ده بیر باله قودوققه توشدی که، اولر نینگ قوتقریلیشی اوچون صپورت تاپگن کوپینچه سعی و حرکت بی‌نتیجه بولدی.
