بوگون (جمعه، ۱۳ عقرب) کابل ده پاکستان ایلچیخانه‌سی اوز توییتری ده، عبیدالرحمان نظامانی پاکستان نینگ افغانستان اوچون ینگی ایلچیسی اوله‌راق اوز ایشینی باشله‌گنیدن خبر بیرگن.
کابل ده پاکستان نینگ ینگی ایلچیسی عبیدالرحمان نظامانی، بوگون کابل گه ییتیب کیلگن.
کابل ده پاکستان ایلچیخانه‌سی نینگ یازیشیچه، جناب نظامانی اوشبو ایلچیخانه نینگ ایشلاوچیلری گه ینگی ایلچی اوله‌راق تانیشتیریلیشی مراسمیده، پاکستان و افغانستان نینگ مناسبت‌لرینی مستحکم‌لش اوچون سعی و حرکت قیلیشیدن ایشانچ بیلدیرگن.
بیزلرنینگ فیسبوک صحیفه‌میزگه باش اورینگ!
H.E. Ubaid ur Rehman Nizamani has joined the Embassy of Pakistan,Kabul, as Head of Mission. In his inaugural interaction with the Embassy staff,he emphasized that it would be his priority to work towards enhancing multifaceted bilateral cooperation between Pakistan & Afghanistan pic.twitter.com/NslqpFFyvT
— Pakistan Embassy Afghanistan (@PakinAfg) November 4, 2022
پاکستان ییتکیرمه‌لری اوشبو ییل شنبه کونی ۵ سنبله، مذکور مملکت تشقی ایشلر وزیرلیگیدن نقل قیلیب عبیدالرحمان نظامانی، کابل ده پاکستان نینگ سابق ایلچیسی منصور احمد خان اورنیده اوشبو مملکت نینگ تشقی ایشلر وزیرلیگیده اروپا بولیمی باش مدیری صفتیده، تعینلنگنیدن خبر بیرگن ایدیلر.
بیزلرنینگ توییترده هم تعقیب قیلینگ!
معلومات‌لر اساسیده، عبیدالرحمان نظامانی پاکستان تشقی ایشلر وزیرلیگیده آسیا جنوبی باش مدیری و امریکاده اوشبو مملکت ایلچیسی نینگ اورین باسری صفتیده ایش بجرگن.
بوندن آلدین منصور احمد خان، کابل ده پاکستان نینگ ایلچیسی ایدی.
