قربان هییت بیره‌می ییتیب کیلیشی بیلن کابل شهری یشاوچیلریدن قطاری نینگ ایتیشلریچه، اقتصادی قیین‌چیلیکلر سبب، کییم و قوروق میوه آلیش گه کوچلری ییتیشمه‌یدی و هییت بیره‌می اوچون هیچ قنده‌ی تیارگرلیک آلمه‌گنلر.
اولرنینگ کوپه‌یتیریشلریچه، هییت بیره‌می ییتیب کیلیشی بیلن، قوروق میوه‌لر بهاسی یوقاری کیتگن و اهالی اینیقسه کم‌بغل یشاوچیلر، هییت بیره‌می اوچون تیارگرلیک آلیش گه امکانیت‌لری یوق دیر.
شونده‌ی بیرحالده، کابل شهری «قلعۀ‌فتح‌الله» یشاوچیسی صبور نینگ سلام‌وطندار گه ایتیشیچه، اوتگن هییت بیره‌می گه قره‌گنده اقتصادی وضعیتی یامان بولگن و انه شوو سبب، اوشبو هییت‌ده قوروق میوه آلیش گه کوچی ییتیشمه‌یدی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «هیچ قنده‌ی تیارگرلیک آلگنیمیز یوق، چونکه اوغیللریم‌دن برچه‌سی ایش‌سیز دیر. هییت بیره‌می اوچون تیارگرلیک آلگنیز پیتده، هییت بیره‌می نینگ کیلگنی نی بیله‌سیز. اقتصادی‌میز یخشی بولگنی صورت‌ده، تیارگرلیک آله‌ر ایدیک، چونکه قرینداشلریمیز بار.»
میوه ساتیله‌دیگن ییرلردن بیری گه قوروق میوه آلیش اوچون کیلگن کابل شهری نینگ «سیدنور محمد شاه مینه» منطقه یشاوچیلریدن رابعه نینگ ایتیشیچه، قوروق میوه‌لر بهاسی نینگ یوقاریلیگی سبب، آز سودا آلگن دیر. «اوتگن کون قوروق میوه آلیش اوچون بازار گه کیلدیم. قیمت‌لر نی سوره‌دیم، بیراق آلالمه‌دیم. بیران آرزان‌راق نرسه‌لر نی آلیش اوچون بوگون ینه کیلدیم. اوتگن هییت‌ده هر رقم قوروق میوه‌دن نیچه کیلو آلگن ایدیم، بیراق بو هییت‌ده بیرکیلو‌دن کوپراق آلالمه‌یشیم ممکن.»
بیزلرنینگ توییترده هم تعقیب قیلینگ!
عین حالده، قوروق میوه ساتووچیلردن قطاری نینگ ایتیشلریچه، اوتگن هییت بیره‌می گه قره‌گنده، قوروق میوه ساتیلیش میزانی کمه‌یگن دیر. کابل شهری نینگ «قلعه موسا» منطقه‌سیده، قوروق میوه ساته‌دیگنلردن بیری نصیراحمد نینگ ایتیشیچه، قوروق میوه ساتیلیشی اوتگن هییت بیره‌می گه قره‌گنده، ۵۰ فایز‌دن کمه‌یگن.
اونینگ کوپه‌یتیریشیچه: «اوتگن هییت بیره‌می گه قره‌گنده اهالی نینگ قوروق میوه آلیشی کمه‌یگن، چونکه اهالی اقتصادی ضعیف بولگن و اوتگن هییت‌لرده اینگ یخشی قوروق میوه ساتیلیشی کوپ ایدی، بیراق حاضر ایسه اقتصادی قیینچیلیک اوچون اورته صفتلی قوروق میوه‌لر نی آله‌دیلر.»
اوتگن ایکی ییل جریانیده، مملکت‌ده ایش‌سیزلیک و کمبغللیک کوپه‌یگنی و دنیا یاردملری خصوصیده یشاوچیلر نینگ احتیاجی کوپه‌یگنی بیرحالده، کابل یشاوچیلری هییت کونلریده، قوروق میوه و کییم تیارلش اوچون امکانیت‌لری یوقلیگی‌دن شکایت قیلهدیلر.
