کابل ده تکسی هیداووچیلریدن قطاری، بازار کمرنگ‌لیگیدن خواطر بیلدیریب ایتیش‌لریچه، ایکی ییل آلدین گه قره‌گنده درآمد‌لری ۹۰ فایز کمه‌یگن.
کابل یشاوچیلریدن ۲۸ یاشر محب‌خان، حیاتی نی شهر‌ده تکسی‌هیداووچیلیک بیلن اوتکزه‌دی. او بازار کمرنگ‌لیگیدن شکایت قیلیب ایتیشیچه، ۱۰ مینگ آیلیک بیلن باشقه بیر ایش تاپیلگنی صورت‌ده، تکسی‌هیداووچیلیک قیلمه‌یشی ممکن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «حاضر کابل ده تکسی‌ده هیچ بیر مفهومی قالمه‌گن چونکه، ایش‌سیز و ۱۶ ییل تحصیل قیلگن ییگیت، اویی‌ده‌گی شخصی موتری نی چیقریب و ایشله‌یدی. بیز تکسی هیده‌ب کوپینچه مالیه بیره‌میز. تکسی بیلن شخصی موتر نینگ هیچ فرقی یوق و اهالی هم کوپ مجبور و بیچاره دیر.»
کابل شهری نینگ شهرنوی‌ده جایلشگن انصاری تورت‌یولیده‌‌گی تکسی هیداووچیلریدن بیری عطاءالله نینگ ایتیشیچه، اوتگن نیچه آی‌ده کوپ قیین‌چیلیک بیلن تیل خره‌جتی نی قولگه کیلتیرگن.
اونینگ کوپه‌یتیریشیچه: «اهالی حاضر ایسه ایش‌سیز بولگن. اوتمیشده موسسه‌لر بار ایدی. اهالی‌ده شخصی شرکت‌لری بار ایدی که اهالی‌دن کوپ قطاری اولر بیلن ایش قیله‌ر ایدی. او پیت‌لرده ایش کوپ ایدی، لیکن حاضر ایسه ایش یوق و اهالی ایش‌سیز دیر.»
کابل یشاوچیلریدن باشقه بیری زبیر، ینگی‌لیکده شخصی موتری بیلن شهر‌ده یولاوچی تاشیدی. او ایش یوقلیگی خصوصیده شکایت قیلیب و ایتیشیچه، بعضی کون‌لر یالغیز ۱۰۰ الی ۲۰۰ افغانی درآمدی بار.
شونده‌ی بیرحالده، ترافیک عمومی ریاستی نینگ ایتیشیچه، حاضر ایسه کابل شهریده ۱۳ مینگ تکسی نینگ فعالیتی بار و یقین کیله‌جک‌ده شهری تکسی نینگ جوازی، کابل و بیر قطار ولایت‌لرده ترقه‌تیلیشی ممکن.
بیزلرنینگ فیسبوک صحیفه‌میزگه باش اورینگ!
ترافیک عمومی ریاستی نینگ اورین‌باسری تمیم‌احمد عصمتی نینگ سلام‌وطندار گه ایتیشیچه: «بیر طرزالعمل توزه‌تیب و ایچکی ایشلر وزیرلیگی گه یوباردیک. ایچکی ایشلر وزیرلیگی نینگ پالیسی اورین‌باسرلیگی مذکور طرزالعمل خصوصیده ایشله‌ب و تیکشیریش‌دن کیین، اوشبو طرزالعمل ترافیک ریاستی گه تاپشیریلیب و ترافیک ریاستی تامانیدن عمل گه آشیریله‌دی؛ حاضر ۸۵ فایز ایشی بیتگن و ۱۵ فایزی هم بیتسین که ترافیک ریاستی گه یوباریله‌دی. اوشبو ریاست تکسی امری نی یشاوچیلر گه ترقه‌تدی.»
عین حالده، اسلام امیر‌لیگی نینگ قدرت گه ایریشگنی بیلن دنیا جماعه نینگ یاردم‌لری کیسیلیب و یشاوچیلر آره‌سیده قشاق‌لیک قیین‌چیلیک کوپه‌یگن دیر.
