کابل شهری ده موتر ساتووچیلردن بیرقطاری نینگ سلام‌وطندار گه ایتیشلریچه، مشتری‌لری اقتصادی قیینچیلیک باعث کوپراق موترلرینی ساتیش اوچون مراجعت قیله‌دیلر. اولر موتر سوداسی کمه‌یشیدن نالیب، اوتگن ایکی آی گه نسبتن موتر سودا_ساتیغی ۷۰ فایز کمه‌یگنینی ایته‌دیلر.
کابل شهری ده موتر ساتووچیلردن عبدالفتاح نینگ سلام‌وطندار گه ایتیشیچه: «حاضر نه خرید بار و نه هم سودا؛ بیران موتر ساتیب آله‌میز. ایکی آی ایچیده بیر موتر ساتیلمه‌یدی. ۶۰ و ۷۰ فایز سودا کمه‌یگن؛ پول یوق ایش و غریبچیلیک هم یوق.»
بیزلرنینگ فیسبوک صحیفه‌میزگه باش اورینگ!
کابل شهری ده موتر ساتووچیلردن باشقه بیری نوید گه کوره: «بازار تنزل گه یوز توتگن، ایش بوتونلی توخته‌گن؛ هیچ کیم اوز پولینی خرچ قیلمه‌یدی. هیچ کیم کیله‌جگیگه امیدوار ایمس. سابق‌لر بیر کون ده ایکی یا اوچ سودا قیلر ایدیک؛ حاضر ایکی آی ده بیر سودا بولمه‌یدی. سابق ۱۲ مینگ دالرلیک موترنی حاضر ۶ مینگ دالر هیچ کیم آلمه‌یدی.»
کابل شهری ده موتر ساتووچیلردن باشقه بیری فهیم، موتر سوداسی کمه‌یشیدن خواطر بیلدیریب ایتیشیچه، اوشبو کون‌لر مشتری‌لری موترلرینی ساتیش اوچون مراجعت قیله‌دیلر.
اونینگ کوپه‌یتیریشیچه: «ایش اونچه‌لیک یخشی ایمس، مردم نینگ پولی یوق و اوز روغارلری نینگ تشویشیده دیر. هیچ کیم مجبور بولمسه موتر سوداسینی قیلمه‌یدی. قیین دیر ایشلری شو، بیر دن واز کیچیب بولمه‌یدی، چونکه پول‌لری قرض دیر باشقه چاره‌لری یوق.»
عین‌حالده، افغانستان سوداگرلیک و سرمایه یاتقیزیش اتاق اورین باسری خان‌جان الکوزی گه کوره، یشاوچیلر نینگ درآمدی پس توشیشی و بیر کلیدی موترلر بازار گه کوپه‌یشی، موتر سوداسی کمه‌یشیگه سبب بولگن.
بیزلرنینگ توییترده هم تعقیب قیلینگ!
خان‌جان الکوزی نینگ ایتیشیچه: «خارجی‌لر کیتیشیدن کیین موترلر کوپه‌یدی، قطار کیشی‌لر اوزلری کیتیب و موترلری قالگن، باشقه تاماندن جمهوریت توزومی ده ناقانونی موترلر گه اسناد بیریلمس ایدی بیراق اسلام امیرلیگی بو موترلر محصول بولیش گه قرار قیلگن.»
ایتیش کیره‌ک که، قشاق‌لیک، ایش‌سیزلیک و اولکه یشاوچیلری نینگ درآمدی کمه‌یشی، تیریکچیلیک اوچون اونچه‌لیک مهم بولمه‌گن موتر کبی باشقه نرسه‌لر بازاری، تنزل گه یوز توتیش گه سبب بولگن.
