خلقارا یوقالگنلر کونی ییتیب کیلگنی بیلن، عایلهلردن قطاری کشفی و امنیتی نهادلردن، یوقالگنلری نینگ تاپیلیشی خصوصیده، همکارلیک قیلیشلری نی ایستهیدیلر.
نازگل، ۴۰ کوندن بویان یوقالگن ۱۸ یاشر بیر ییگیت نینگ آنهسی دیر. ۱۸ یاشر رحیمالله گنگ و عصبی قیینچیلیگی بار، او ۴۰ کون آلدین آنهسی نی اویده تاپه آلمهگنی پیتده، اونینگ اختریش اوچون اویدن تشقری گه کیتیب و بوگون گه قدر، اوندن هیچ کیم نینگ خبری یوق.
بیزلرنینگ فیسبوک صحیفهمیزگه باش اورینگ!
رحیمالله نینگ عایله اعضاسی اونینگ تاپیش اوچون اورمهگنلری ایشیک قالمهگن، لیکن حاضرگچه اوغیللریدن هیچ بیر خبر یوق. اوشبو ییگیت نینگ آنهسی گه کوره: «فرزندیم نینگ فراقیدن ییغلهیمن، یوقالگنیدن ۴۰ کون بولهدی، موتر اورگن بولمهسین، اونی بیری آلیب کیتگن بولمهسین دیب طاقتم کیلمهیدی و هر مرته ایسلهگنیمده بوتون دنیا باشیم گه ییقیلیب و قارانغی بولگندهی بولهدی.»
طالب، یوقالگن ییگیت نینگ آتهسی دیر. اونینگ ایتیشیچه، اوغلی نی تاپیش اوچون، شهردهگی بوتون حوزهلر گه بارگن دیر؛ بیراق حاضرگچه اوغلیدن هیچ بیر خبر یوق.
اونینگ کوپهیتیریشیچه: «۲۱ حوزه نینگ برچهسی گه باردیم، حوزهلر گه عکسی نی بیردیک. کوپ سعی و حرکت قیلدیک. میدان شهر نی کوردیم، هیچ جایده یوق ایدی، هم آنهسی و هم اوزیم عصبی قیینچیلیک تاپدیک. اولمهدیک، تیریک هم ایمسمیز.»
رحیمالله نینگ عایله اعضاسی گه کوره، کشفی و امنیتی نهادلر فرزندلری نینگ تاپیلیشی خصوصیده پرواسیزلیک و توجهسیزلیک قیلگنلر.
عین حالده، ۲۷ یاشر جاوید ۶ آیدن بیری ایران ده یوقالگن دیر. اونینگ آتهسی رازمحمد نینگ ایتیشیچه، فرزندی نینگ فراقیده هم خاتینی و هم اوزی، عصبی کسللیککه چلینگنلر.
اونینگ کوپهیتیریشیچه: «ایران دهگی سینگیلی، قبرستانلر، کسلخانهلر و قماقخانهلر نی اخترگن. بو درد نی خدا هیچ کیم گه کورستمهسین. ایکی مرته آنهسی نینگ اوستیگه حمله کیلدی، اونی اولدیردیلر می، حبس گه تشلهدیلر می دیب قورقهمیز، کیتگنیدن بیر ییل بولگن ایدی، پول یوباریدی.»
رازمحمد نینگ ایتیشیچه، فرزندی بیر ییل آلدین ایران گه کیتگن ایکن و ۶ آی آلدین یوقالیب و حاضر ایسه خاتینی و کیچیک قیزی سرپرستسیز قالگن.
شونینگدیک کابل شهری نینگ ۱۵-حوزه اطرافیده یوقالگن ۱۲ یاشر عمر آتهسی محمدایام نینگ ایتیشیچه، نیچه مرته کشفی و امنیتی نهادلر گه مراجعت قیلگن، بیراق هیچ کیم فرزندی نینگ تاپیلیشی اوچون همکارلیک قیلمهگن.
اونینگ کوپهیتیریشیچه: «شونچه بیلهمن که ایران گه آلیب کیتیلگن. ایرتنگ اخلت کیتیدن کیتدی و باشقه یوقالیب قالدی. نیچه حوزه گه راپور بیردیک، بادام باغ گه کیتدیک، بو ییرده دیدیلر و ۱۰ کوندن کیین کیل دیدیلر. اون کوندن کیین باردیک بو ییرده یوق دیدیلر. استخبارات، جنای آمریت بوتون مکانلر گه باردیک. تاپیلمهدی.»
شوندهی بیرحالده، ایش و اجتماعی ایشلر وزیرلیگی مسئوللری نینگ ایتیشلریچه، اوتگن ییلدن بویان، ۳ مینگ گه یقین یوقالگن باله نی عایلهسی گه تاپشیرگنلر.
اولرگه کوره، عایلهلری تاپیلمهگن قریب ۸۰ ته یوقالگن کیشی، اوشبو وزیرلیک آرقهلی سقلنهدی.
بیزلرنینگ توییترده هم تعقیب قیلینگ!
ایش و اجتماعی ایشلر وزیرلیگی سوزلاوچیسی سمیعالله ابراهیمی نینگ ایتیشیچه: «سونگی بیر ییلده، عایلهلریدن یوقالگن یا-ده تشقی مملکتلردن دیپورت بولگن ۲۸۶۰ یوقالگن کیشی نی عایلهلری گه تاپشیرگنلر و عایلهلری تاپیلمهگن قریب ۸۰ کیشی اوز یانیمیزده سقلنهدی.»
ایتیش کیرهک که، ۳۰-اگست خلقارا یوقالگنلر کونی گه ماس دیر و هر ییل، بوگون تورلی سببلردن یوقالگن کیشیلر خاطرلنهدی.