فاریاب مرکزی میمنه شهری‌ده کوزدن عاجز عیال‌لردن قطاری، اوشبو ولایت‌ده ایش زمینه‌سی یوقلیگی‌دن شکایت قیلیب و ایتیشلریچه، ایش‌سیزلیک و قشاق‌لیک اولر نینگ یامان اقتصادی وضعیت بیلن روپه‌ره قیلگن.
مذکور عیال‌لر، کوزدن عاجز کیشی‌لر گه یاردم بیریش زمینه‌سیده فعالیت قیله‌دیگن دولتی و نادولتی نهاد‌لردن، اولر گه تعلیمی فعالیت‌لر و ایش زمینه‌سی یره‌تیلیشی نی ایسته‌یدیلر.
فاریاب ده کوزدن عاجز عیال‌لردن بیری منیره، ناگران کیشی‌لر نینگ اقتصادی وضعیتی‌دن خواطر بیلدیریب و ایتیشیچه، حکومت و یاردم بیرووچی نهاد‌لر نینگ ناگران‌لر بیلن هیچ قنده‌ی یاردم و همکارلیک قیلمه‌‌‌سلیگی سبب، اولر کوپینچه قیین‌چیلیک‌لر بیلن روپه‌ره بولگنلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «یامان بیر وضعیت‌ده قالگن‌میز، آته‌‌م ناگران و ایش‌سیز دیر. یالغیز آنه‌م قالین توقیب و عایله خره‌جتی نی تامین قیله‌دی.»
شونینگدیک آنه‌سی و ایناغه‌سی هم کوزدن عاجز بولگن ۱۵ یاشر رخسار، اقتصادی قیین‌چیلیک‌دن صحبت قیلیب ایتیشیچه: «کوزدن عاجر‌میز، کوپینچه اقتصادی قیین‌چیلیگی‌میز بار. حکومت‌دن تعلیمی و کسبی برنامه‌لر زمینه‌سی یره‌تیلیشی نی ایسته‌میز که بو رقم، بیر نرسه اورگنیب و اهالی گه قولی‌میز اوزه‌تیلمه‌سین.»
شونده‌ی بیرحالده، فاریاب ده ناگران عیال‌لردن بیری و اوشبو ولایت‌ده کوزدن عاجز و ناگران‌لرنی قوللب_قوتلش نهادی مسئولی خالبیبی همنوا نینگ ایتیشیچه، حاضرگی وضعیت سبب، عیال‌لر اوز قیین‌چیلیک‌لری نی مسئوللر بیلن شریک قیله آلمه‌یدی. اونینگ کوپه‌یتیریشیچه: «بیر قیین‌چیلیگی‌میز بار که، عیال‌لر گه ولایت گه باریب و قیین‌چیلیک‌لری نی حاکم گه ایتیشلری اوچون رخصت بیرمه‌یدیلر. دفترلر گه باره‌میز و اولر حاضر ایسه برنامه‌میز یوق و هر وقت برنامه‌میز بولگنی پیتده، خبر بیره‌میز دیه‌دیلر.»
خالبیبی گه کوره، کوزدن عاجز و ناگران‌لرنی قوللب_قوتلش نهادی‌ده‌گی ۱۶۲ ناگران عیال‌دن، ۴۵ ته‌سی یامان اقتصادی وضعیت‌ده حیات کیچیرماقده دیر.
بیزلرنینگ «ایکس» ترماغی ده هم تعقیب قیلینگ!
عین حالده، فاریاب ایش و اجتماعی ایشلر رئیسی ریحان‌الدین متوکل، مذکور ولایت‌ده ناگران و کوزدن عاجز عیال‌لر نینگ اقتصادی قیین‌چیلیگی نی تصدیق‌لب؛ بیراق ایتیشیچه، تیگیشلی نهاد‌لر هماهنگ‌لیگی‌ده، مذکور کیشی‌لر گه کسب اورگه‌تیش و ایش زمینه‌سی یره‌تیلیشی اوچون سعی و حرکت قیلماقده‌لر.
اونینگ کوپه‌یتیریشیچه: «بو قیین‌چیلیک نی تیگیشلی اداره‌لر مسئوللری بیلن جریان گه قویدیک، اولر نینگ هماهنگ‌لیگی‌ده ناگران و اقتصادی قیین‌چیلیگی بولگن کیشی‌لر نینگ قیین‌چیلیگی و اولر گه ایش زمینه‌سی یره‌تیلیشی و شونینگدیک کسب اورگته‌دیگن کورس‌لر ایجاد بولیشی اوچون، همکار دفترلر بیلن صحبت قیلگنلر.»
ایتیش کیره‌ک که، فاریاب ولایتیده ناگران و کوزدن عاجز کیشی‌لر، یخشی ظرفیت‌لر گه ایگه‌لر؛ بیراق تعلیمی و کسب اورگته‌دیگن مرکزلر یوق‌لیگی سبب، اولر نابیللی بیر تقدیر‌ده قرار تاپگنلر.
