کابل شهری یشاوچیلریدن قطاری اویلر کرایهسی نیچه برابر کوپهیگنیدن شکایت قیلیب و ایتیشلریچه، اوشبو موضوع عایلهلردن کوپ قطارینی اوی کرایهسینی توللشده امکانیتسیزلیک همده اوی-جای بوییچه جدی قیینچیلیکلر بیلن روپهره قیلگن.
کابل یشاوچیلرینینگ کوپهیتیریشلریچه، سونگی آیلرده اوی ایگهلری کرایهلرنی سیزیلرلی درجهده آشیرگنلر که بو موضوع، کرایی اویلرده حیات کیچیرهدیگن عایلهلر گه اقتصادی باسیمنی کوپهیتیرگن.
کابل ده تهیه مسکن بلاکلر یشاوچیلریدن بیری متین، اویینینگ کرایهسی کوپهیگنیدن شکایت قیلیب و ایتیشیچه: «۱۴۰۳-ییلده اوییمیز کرایهسی بیش مینگ ایدی. ۱۰ فایز کوپهیش اعلام بولیشی بیلن ۱۴۰۴-ییلده آلتی مینگ بولدی، بیراق حاضر ایسه ۱۰ مینگ افغانیگه آشگن که کوپ قیینچیلیک بیلن اوین سکیز مینگگه کمهیتیردیک و ینه هم اونی توللشده قیینچیلیک بیلن روپهره بولهمیز.»
کابلنینگ ارزان قیمت منطقه یشاوچیسی بولمیش اسلم، قاچقینلر قیتیشینینگ کرایهلر کوپهیشی عامللریدن بیلیب و ایتیشیچه، ایستهک کوپهیشی بیلن اوی تاپیش هم قیینلشگن. «ایران و پاکستان دن قاچقینلرنینگ قیتیشی بیلن اوی کرایهسی هم کوپهیدی. اوی ایگهسی کرایهنی بیش مینگ آشیردی و اوینی ترک قیلیشگه مجبور بولدیک. اوی تاپیش اوچون کوپ یوریدیک، بیراق هیچ تاپیلمس ایدی. انه شوو سبب کوپینچه قیینچیلیک بیلن روپهره بولدیک.»
شونینگدیک پروژهی تایمنی منطقه یشاوچیلریدن ظهور، کرایهلر کوپهیگنیدن خواطر بیلدیریب و مسئوللردن، اوی کرایهسینینگ جدی نظارت بولیشینی سورهگن.
کابلنینگ بینیحصار منطقه یشاوچیلریدن شاهمحمودگه کوره، اوی کرایهسی ۱۳ مینگدن ۲۰ مینگ افغانیگه کوپهیب و بو وضعیت اونینگ قیینچیلیک بیلن روپهره قیلگن. «اوییمیز کرایهسی ۱۴ مینگ افغانی ایدی و حاضر ۲۰ مینگ افغانی بولگن. کابل شهریده اوی اوچون کوپ یوریدیک، بیراق تاپه آلمهی و مجبورلیکدن قبول قیلدیک، بیراق اقتصادی وضعیتیمیز اونچه یخشی ایمس و برچه دارونداریمیز اوی کرایهسیگه کیتهدی.»
کابل دهگی سودا قوللنمه ادارهلرینینگ ایتیشلریچه، اوی کملیگی، ایستهک کوپلیگی و قاچقینلر قیتیشی کرایهلر کوپهیشی اصلی عامللریدن دیر.
سودا قوللنمه اداره مسئوللریدن بیری نورالله صافینینگ ایتیشیچه: «حاضر کابل شهریده اوی تاپیلمهیدی، انه شوو سبب اوی کرایهسی یوقاری کیتگن. اوی ایگهلری کرایهنی کوپهیتیرگنلری یا-ده کرایهنشیننی جواب بیرگنلرینیده سودا قوللنمه ادارهلرینی جریان گه قویمهیدیلر.»
شونینگدیک سودا قوللنمه اداره مسئوللریدن تمیمنینگ ایتیشیچه، ایستهک کوپهیشی کرایهلر آشیشیگه سبب بولهدی. «اوی کرایهسی و گرویسی کوپ دیر. اوی قولی بیر شکلده تاپیلمهیدی، کرایهلر کوپهیگنینینگ بیر سببی ایسه قاچقینلرنینگ قیتیشی دیر.»
اسلام امیرلیگی عدلیه وزیرلیگی، بوندن آلدین اوی ایگهلرینینگ اوی کرایهسینی یالغیز کمیده ۱۰ فایز کوپهیتیریش حقیگه ایگه بولگنلری نی معلوم قیلگن ایدی. شونینگدیک مذکور وزیرلیک، کابل ده سودا قوللنمه ادارهلرنی نظارت قیلیشنینگ دوام قیلیشی و متخلفلر بیلن قانونی یاندهشیلیشینی ایتگن.
عدلیه وزیرلیگی سوزلاوچیسی برکتالله رسولی، ۱۴۰۴-ییلده ایکی مینگ سودا قوللنمه ایکی مینگ ۲۴۴ اداره تیکشیریلیب و ۲۶۳ اداره ایسه تخلف طفیلی یاپیلگن. «اویلر کرایهسینی نظارت قیلیش قوشمه کمیتهسیده قرار آلگنمیز که اوی کراهسی اوشه ایکی ییل آلدینگی کرایه دیر و کمیده ۱۰ فایز کوپهیه آلهدی. اوی ایگهلری و سودا قوللنمه ادارهلری بو ستندرددن کوپراق اوی کرایهسینی تعیین قیلیش حقیگه ایگه ایمسلر.»
کابل ده اوی کرایهسی کوپهیشی حاضرگچه پایتخت یشاوچیلرینینگ جدی قیینچیلیکلریدن بیری بولیب قالگن و عایلهلردن قطاری مناسب اوی یوقلیگی همده قیمتلر کوپلیگیدن شکایت قیلهدیلر.
