پایتخت کابل یشاوچیلریدن قطاری دنیا جماعه‌چیلیگی نینگ یاردم‌لری ترقه‌تیلیش جریانیدن تنقیدلب ایتیشلریچه، اوشبو یاردم‌لر محتاج عایله‌لر گه بیریلمه‌یدی. اولرگه کوره، اسلامی امارت و گذر وکیل‌لری نماینده‌لری تامانیدن دنیا جماعه‌چیلیگی نینگ یاردم لری عادلانه ترقه تیلمه‌یدی.
یاردم آلیش اوچون کابل‌ده افغان قیزیل یریم آی جمعیتی دفتری برابری‌ده توپلنگن محتاج‌لر گه کوره، ایرتن‌دن آخشمگچه کوته‌دیلر، لیکن کمک آلالمه‌یدیلر. اولر نینگ اورغولشیچه، بو یاردم‌لرنی واسطه‌دار، تانیشی بولگن و اسلامی امارت ایشلاوچیلری آلیب کیته‌دیلر.
پایتخت یشاوچیلریدن بیری نینگ ایتیشیچه: «بو ییرده اسلامی امارت گه عاید موترلر کیلیب یاردم لرنی آلیب کیته دیلر. کوریب توریب میز کمک‌لرنی آلیب کیته‌دیلر.»
بیراق کابل قیزیل یریم آی جمعیتی باشلیغی عبدالله حماد، کابل یشاوچیلری نینگ تنقید و اتهام‌لرینی رد قیلیب، فقرالر گه یاردم‌لر شفاف روشده ترقه‌لیب و هیچ قنده‌ی فساد یوق‌لیگیدن ایشانچ بیلدیره‌دی.
او نینگ ایتیشیچه، دفترلر برابری‌ده توپلنگن‌لر، ممکن بیر-ایکی مراتبه یاردم آلگن بولسه‌لر شونی اوچون اولرگه یاردم بیریلمه‌یدی. جناب حماد نینگ اورغولشیچه، واسطه‌دار و اسلامی امارت کوچلری تامانیدن یاردم‌لر آلیب کیتیلیشی اساس سیز دیر.
بیزلرنینگ فیسبوک صحیفه‌میزگه باش اورینگ!
کابل قیزیل یریم آی جمعیتی باشلیغی گه کوره، ایریم پیت‌لر گذر وکیل‌لری فساد گه عیبله‌نیب حبس‌گه آلینگن‌لر. اونینگ کوپیتیریشیچه، منطقه بویوک‌لری همکارلیگی بیلن محتاج عایله‌لرنی انیقلش اوچون مخصوص تیم‌لر وظیفه لنتیریلگن.
عین‌حالده، کابل شهری قصبه منطقه سیده «شیخ زاهد» شهری یشاوچیلریدن قطاری هم شکایت قیلیب ایتیشلریچه، اوشبو منطقه‌ده قشاق و کمبغل کیشیلر کوپ بولسه‌ده؛ لیکن یاردم بیریلمه‌گن. اولر گه کوره، ممکن بعضی‌لر گه یاردم بیریلگن بولسه که گذر وکیلی و زون باشلیغی آلگن بولسه.
باشقه تاماندن، «شیخ زاهد» شهرکی باشلیغی محمد ایوب مظلوم‌یار عیبلاولرنی رد قیلیب ایتیشیچه، یالغیز بیر مراتبه مذکور شهرک یشاوچیلری گه ییگولیک آزیق-آوقت ترقه‌تیلگن که قریب ۲۰۰ محتاج عایله گه ترقه تیلدی و باشقه‌لر قالگن.
اونینگ اورغولشیچه، بو منطقه ده محتاج عایله‌لر کوپ؛ بیراق باشقه منطقه‌لر گه قره‌گنده کمک کم دیر. عین‌حالده، مهاجرلر وزیرلیگی نینگ میدیالر دفتر عضوی سید عبدالباسط انصاری گه کوره، قشاق کیشیلر سانی یاردم لر گه قره‌گنده کوپ دیر.
بیزلرنینگ توییترده هم تعقیب قیلینگ!
او نینگ ایتیشیچه، افغانستانده ۷۰ فایز اهالی یاردم گه نیازمندلر، بیراق اسلامی امارت قدرت گه ایریشیشی بیلن ۱۰۰ عایله‌گه نقد پول، کییم-کیچک و ییگولیک آزیق-آوقت ترقه‌تیلگن.
بیرلشگن ملت‌لر تشکیلاتی ینگی گزارشی‌ده ایتیشیچه، میلادی ۲۰۲۲-ییل‌ده یاردم گه محتاج‌لر سانی ۲۴ میلیون کیشی گه ییتگن.
