ییمک خلقارا تشکیلاتی، اوقووچیلر عایلهلری گه یاردم بیریشی مقصدیگه ۷۸ مکتب ده هر بیر اوقووچیگه ۲۵۰۰ افغانی نقد پول یاردم ایتدی.
ییمک خلقارا تشکیلاتی، ۴۵۷۹۰ ته قیز اوقووچیگه ییتینچی صنف دن اون ایکینچی صنف گچه ۲۵۰۰ افغانی یاردم بیرگن. بو پروسه که نوومبر آی ده سروی و بایومتریک ایشلری باشلنگن ایدی، حاضرترقهلیشی باشلنگن.
محمد اسلم حدید مکتبی نینگ ایکی اوقووچیسی دیبا و فرشته، خرسندلیک و تشکرلیک قیلیشلری یانیده، اولر نینگ ایتیشیچه، بیرینچی دن مکتب اوقیتوچیلری تامانیدن اولرگه خبربیریلدی و بوگون اولر بایومتریک پروسه سیدن سونگ، پوللری نی آلیش اوچون کیلگنلر.
بیزلرنینگ فیسبوک صحیفهمیزگه باش اورینگ!
شوندی بیرحالده، SUO دفتری نینگ مسوولی محمد نینگ سلام وطندار گه ایتیشیچه، تیزیم اوزگریشی و اهالی نینگ ایشسیزلیگی سبب، ییمک خلقارا تشکیلاتی، قیز اوقووچیلر ترغیبلنیشی و عایلهلریگه یاردم ایتیلیشی اوچون موندی ریجه نی قول اوستیده آلگنلر.
محمد نینگ ایتیشیچه، بو پروسه، باشقه ایریم ولایت لرده هم عملی بوله دی و حاضر مزاشریف ده جریانی بار، بو پروسه دوامی ده مزارشریف نینگ ۶۹۰۰ اوقیتوچی سیگه هم ییگولیک مادهلر ترقهتیشلری ریجهلنگن.
بو عین حالده که، قیز مکتبلری نینگ تقدیری حاضرگچه بیللی بولمهی قالگن، و افغانستان اکثر ولایتلری ده قیزلر ییتینچی صنف دن اون ایکینچی صنف گچه مکتب کیتیشلری اوچون رخصت بیریلمهگن، بونگه علاوه قیزلر نینگ کانکور سیناولری اوتکزیلیشی دن هم هیچ بیر خبر یوق.